Banco Central di Aruba (BCA) a conclui e Encuesta di Confiansa di Consumidor pa e segundo trimester di 2026. E encuesta di confiansa di consumidor ta evalua e percepcion economico di e consumidor local.
Preocupacion principal di consumidor den e segundo trimester di 2026 pa e siguiente 6 lunanan: ∙ Deterioracion den e situation di negoshinan y di e economia a baha na 50% (2026-I: 68%). ∙ Alrededor di 42% di e respondentenan ta premira cu lo ta mas dificil pa haya un trabou nobo (2026-I: 53%).
∙ Como 36% di respondentenan ta premira cu e posicion financiero di gobierno lo empeora (2026-I: 41%).
∙ Como 29% di e respondentenan ta premira cu e situacion financiero di nan hogar lo deteriora (2026-I: 35%).
Consumidornan a keda pesimista, aunke cu e Indice di Confiansa di Consumidor a subi cu 0,9 punto di indice na 93,6 den e segundo trimester di 2026 (mira Grafico 1)2.
Grafico 1: Indice di Confiansa di Consumidor a subi den e segundo trimester di 2026.
105.0
100.0
93,6
95.0
90.0
I II III IV I II III IV I II III IV I II III IV I II III IV I II III IV I II 2020 2021 2022 2023 2024 2025 2026
Fuente: Banco Central di Aruba
1 E version original na Ingles ta prevalece,
2 E indice por varia entre 90 y 110. Entre 90 y 100, e indice ta mustra un situacion di pesimismo. Un indice di exactamente 100 ta indica cu consumidornan no ta ni optimista, tampoco pesimista, pero ta neutral den nan pensamento di desaroyo economico na Aruba. Entre 100 y 110, e indice ta mustra un situacion di optimismo den pensamento di consumidornan
E Indice di Habito di Consumidor a crece cu 1,2 punto di indice te na 94,5 durante e segundo trimester di 2026. E Indice di Expectativa y e Indice di Situacion Actual tur dos a subi den e segundo trimester di 2026, esta cu 0,9 punto di indice te na 93,6 y 0,7 punto di indice te na 93,2, respectivamente. Mientrastanto, e Indice di Expectativa di Prijs a subi te na 90,4 durante e segundo trimester di 2026 (mira Grafico 2).
Grafico 2: Resultado di Indice di Confiansa di Consumidor den e segundo trimester di 2026.
95.0 94.0 93.0 92.0 91.0 90.0 89.0 88.0
93,293,6 92,5 92,7
93,3
90,2
94,5
90,4
Indice Situacion
Actual
Fuente: Banco Central di Aruba
Indice di Expectativa Indice di Habito di Consumidor
2026-I 2026-II
Indice Expectativa di Prijs
Prijsnan mas halto den e proximo 6 lunanan ainda ta keda un preocupacion grandi pa e respondentenan, como cu 93% di consumidornan ta premira cu den e siguiente 6 lunanan prijsnan lo ta mas halto. Respondentenan cu a indica cu nan no por “cumpra mesun hopi cu nan entrada compara cu 6 luna pasa” a baha cu 3 punto di porcentahe te na 90% den e segundo trimester di 2026. Pa locual ta e respondentenan cu a expresa cu nan ta “spaar menos compara cu 6 luna pasa”, esaki a keda igual na 46% den e segundo trimester di 2026.
E relato completo di e Encuesta di Confiansa di Consumidor ta disponibel ariba website di BCA www.cbaruba.org
Banco Central di Aruba
17 augustus 2026
Tocante Banco Central di Aruba
E proposito principal di Banco Central di Aruba (BCA) ta pa contribui na stabilidad financiero y prosperidad economico di e comunidad di Aruba. BCA ta logra e mision aki door di implementa un maneho monetario efectivo dirigi na mantene stabilidad di balor di e florin, promove e solides y integridad di e sistema financiero y yuda mantene un sistema di pago eficiente y confiabel.
Banda di su tareanan principal, BCA ta encarga cu emision di biyete di florin y moneda di florin y ta e bankero di gobierno. Ademas e ta regula e transaccionnan di pago cu exterior y ta administra e divisanan di Aruba y ta vigila e uzo di esaki.
Pa mas informacion tocante Banco Central di Aruba, por bishita su website www.cbaruba.org
