E kier a chupa mango di su ‘bisiña’, pero a keda deteni

0
3061

Dia 15 di juli, den hora di marduga patruya a acudi na Ecco Ice Supply situa na Fortheuvelstraat pa un persona sospechoso. Na caminda pa Ecco, polis a topa cu un homber cu ta cuadra cu e descripcion duna. E sospechoso su nomber ta di inicial G. Polis a puntra G y el’a bisa cu net el’a sali di su cas situa na Juana Morto y tabata canando pa bay bushalte. Polis a pidi G. pa e habri e tas cu e tabata tin cune. Polis a bin constata 15 mango den e tas. G a bisa polis cu el’a haya e mangonan di su bisiña. Polis a atende cu e denunciante, kende a bisa polis cu e homber a bula den cura di Ecco, cana riba e tereno y despues a bula e cura y sali bek. Polis a bolbe puntra e homber G, kende a bin admiti cu el’a coy e mangonan for di un pal’i mango riba tereno di Ecco Ice Supply. Polis a detene G pa su comportacion y a tuma e 15 mangonan den beslag. G. a haya un cel y a keda sin su mangonan di su ‘bisiña’.

LEAVE A REPLY

Please enter your comment!
Please enter your name here