Relaciona cu e noticia cu AVP24ORA a publica riba resultado di autopsia di Elida Arteaga, mester analisa cu e propio compania cu ta traha cu hospital, cu ta cobra for di hopsital, ta hinca hospital den un problema grandi, atachando imagen di hospital causando daño.
Tur cos ta draai rond di e hecho cu for di paden di hospital tin tenglanan cu ta hopi cerca di e compania di noticia, unda e informe a wordo gelek pe medio di prensa.
E lekmento aki di resultado di autopsia ta atacha e credibilidad di hospital. E ta mustra claramente cu no tin privacidad medico. Privacidad medico no ta existi.
Tin hendenan cu ta bende informacion di hospital.
Mas cuestionabel ta cu Hospital ta duna e mes compania contract gigante, tanto den cortamento di corant pa hospital, pero tambe tin mas otro contract di produccion di video, etc.etc. No ta prome ves cu mes compania cu tin contract cu hospital ta lansa su critica riba hospital, pero te mes compania tin contract pa cuida imagen di hospital. No ta un secreto e las estrecho di e director cu dicho compania, pasobra hasta tin foto di nan bebiendo koffie. Cu esey te link di e lekmento, nos no tin ningun prueba.
E pensamento di hospital cu dor di duna dicho compania un contract, e compania lo cuida e imagen di hospital, ta duidelijk awor, cu no ta asina.
