Hopi hende tabata tin nan propio opinion riba ken Hesus tabata. Algun a pensa cu E tabata Huan Bautista, Elias, of un otro profeta. Na luga di enfoca riba loke hendenan tabata bisa, Hesus a puntra Su mesun discipulonan un pregunta hopi personal: “Pero boso, ken boso ta bisa cu Mi ta?” Awe ainda e pregunta aki ta mesun importante pasobra Fe no ta basa riba loke otro hende ta kere, of bisa tocante di Hesus. Abo mester sa kico Hesus ta nifica pa bo y ki luga bo ta dun’E den bo bida. Hesus ta djis un nomber of E ta Esun cu ta dirigi bo bida? Ora bo conoce Hesus di berdad, E lo cambia bo manera di mira bo circunstancianan y bo proposito den bida. Pues laga nos reflexiona bek riba e pregunta di Hesus: “Ken bo ta bisa cu Mi ta?” Bo contesta por cambia tur cos den bo bida.
Oracion: Oh bon Hesus, fortalece nos Fe pa reconoce Bo como e Unico Yiu di Dios y nos Salbador. Duna nos curashi pa testifica tocante Bo amor y Bo berdad unda cu nos por ta. Laga nos no sigui Bo solamente den ora di alegria sino den tempo di prueba tambe y keda kere cu conviccion cu Abo ta Cristo nos Señor. Amen.
