Informe di CAD i DWJZ no ta mustra nada ilegal, solamente procedimentonan burocratico
Recientemente nos por bolbe constata con un medio conoci pa ta Spin Doctors, kier twist e rapportnan di CAD y DWJZ riba placanan di subsidio pa ASU relaciona cu un projecto deportivo na Centro Deportivo Betico Croes na Santa Cruz, cu tabata bao auspicio di Ministerio di Deporte. Nan obhetivo ta pa crea atake, lansa acusacion contra ex Minister Endy Croes, fomentado nada otro cu bruhacion, pa asina nan sacia nan sed di odio. Un ves mas nan ta dal nan dede, pasobra e resultado no a indica NADA di malversacion, corupcion of mal uso di fondo, of nada robes. E resultado ta mustra cu e equipo di Ministerio di Deporte a traha cu alma y curpa pa deporte, pa logra resultado concreto. Aki ta sigui varios partinan di e resultado cu ta contradici tur nan storianan robes.
E proyecto tabata bao supervision directo di ministerio:
E documentonan oficial ta mustra cu e proyecto tabata completamente aproba pa Ministerio di Deporte. Segun e bestedingsovereenkomst (artikel 1): “Dat onder auspiciën van het ministerie van Onderwijs en Sport een projectdossier is samengesteld voor de bouw en ontwikkeling van een Atletiekbaan en Mini voetbalveld in Santa Cruz.” E citaat aki ta confirma cu e ministerio mes tabata e entidad responsabel pa e desaroyo di e proyecto cu den partnership cu ASU, lo wordo ehecuta.
CAD mes ta reconose practica comun di gobierno
E informe di CAD ta admiti cu pagamento di subsidio sin aprobacion formal ta un practica comun den gobierno. Na pagina 5-12, paragraaf 10 di e rapport di CAD ta stipula claramente:
“Het is al jarenlang gebruikelijk dat het Land subsidievoorschotten uitbetaald aan door het Land gesubsidieerde instellingen zonder dat er subsidieverleningsbeschikkingen zijn voorafgegaan.” E declaracion aki ta mustra cu e practica di pago sin aprobacion formal ta algo cu a wordo sigui pa añas, i no ta specifico na e caso di ASU.
ASU no tabata simplemente tussenpersoon
Contrario na alegacionnan, ASU no tabata un tussenpersoon. E bestedingsovereenkomst (artikel 1.2) ta indica:
“Ontvanger (ASU) wordt belast met de besteding van de beschikbare middelen en toezicht op het project.”
Ademas, CAD mes a confirma na blad 7-12, paragraaf 21: “ASU heeft ons aangegeven het CDBC-project met ‘open handen’ te hebben ontvangen, omdat zij in principe open staan en medewerking verlenen voor alles wat de sport ten goede komt.”
No Tin Prueba di Malversacion
Tur analisis ta mustra cu e fondonan a wordo usa pa e proyecto manera ta planea. DWJZ ta enfatisa na pagina 3 di nan rapport:
“De bestedingsovereenkomst is rechtsgeldig.” E declaracion aki ta elimina cualke sospecha di ilegalidad den e proceso. Ademas CAD a confirma di a haya tur invoices, tur pago, tanto via Directie Financien como for di ASU y cu pagonan pa material a wordo haci, te cu e material a yega Aruba y awor ta pendiente pa sigui e parti di instalacion.
Conclucion:
E diferencia ta visto den deporte. Bao di AVP su gobierno 2009 pa 2017, deporte a deteriora, cero inversion, cero mantencion. Bao Gobierno di MEP por a mira un adelanto grandisimo. A busca tur forma, hunto cu conseheronan huridico, pa logra e adelanto. Si tabata tin algo robes, nunca DWJZ por a conseho pa “dalbai, paga ASU e restante”. DWJZ ta indica na pagina 4 di nan rapport:
“Aangezien de bestedingsovereenkomst rechtsgeldig is, de subsidiegelden zijn begroot en het project nog niet is afgerond, dient het resterende subsidiebedrag voorts aan ASU te worden verstrekt.”
E citaat aki ta demostra cu e proyecto tabata den proceso i no tabatin malversacion di fondo.
