Duda no ta bini di Dios, pasobra duda ta paralisa hende, y stroba hende di avansa, Fe ta pusha hende dilanti, y haci hende exitoso, pone hende kere den Dios y asina vence duda.
E palabra di Dios ta papia hopi fuerte contra di duda bisando den e buki di Santiago of Jacobo lo siguiente:
Ma si cualkier di boso falta sabiduria, lage pidi Dios,Kende ta duna na tur hende generosamente, y sin reproche,y esaki lo wordo duna na dje.
Ma lage pidi den fe sin ningun duda,pasobra esun cu ta duda ta manera un ola di laman cu ta wordo lastra door di biento. Pasobra no laga e hende ey spera cu e lo ricibi algo di Senjor. Siendo un hende di curason dobbel, inconstante den su camindanan. ( Santiago 1:5-8).
Un hende cu ta pidi Dios algo y e mes ta duda cu e ta hanje, ta su tempo e ta perde, pasobra palabra di Dios ta bisa cu si bo pidi Dios, den nomber di Cristo Hesus y kere cu bo ta bay ricibi, lo ricibi locual bo a pidi.
Sabiduria lo wordo duna na tur hende cu pidi, pasobra Dios no tin acepcion di persona, pasobra Dios sa cu sin Su sabiduria, ta dificil pa nos por avansa, pasobra sabiduria berdadero ta bini di Dios.
Den Genesis Capitulo 3:1-10 e diabel disfrasa na colebra a pone Eva duda den e palabra di Dios, y asina Eva y Adam a comete pica, pasobra duda ta hiba na pica.
Duda ta trece miedo, y miedo no ta di Dios, pasobra Dios no a duna nos un spirito di miedo.
Nos ta yama pa cana den fe, pasobra fe ta poderoso.
Tur loke boso pidi den oracion cu Fe , boso lo ricibi. ( Mateo 21:22).
Den Mateo 14:29 Pedro a cuminsa cana riba awa, pa bay serca Hesus,ma notando e biento fuerte e a cuminsa hanja miedo, y e ora cu e cuminsa sink, e a grita bisando,Senjor salbami, y mesora Hesus a saca Su man gare y bise, O abo hende di poco fe, pa kico bo a duda?
Duda ta haci hende su curason duro,
Duda ta haci hende malbado,
Duda ta pone hende rechasa Dios,
Duda ta pone cu hende no por tin un bon relacion,
Duda ta stroba hende di crece,
Duda ta pone hende perde respet pa Dios,
Duda ta trece violencia,
Duda ta stroba union,
Duda ta hiba hende na inmoralidad,
Duda ta pone cu hende no por concentra.
Duda ta pone hende perde bon oportunidad.
Duda ta afecta mente di hende.
Asina ta cu fe ta bini for di tendemento, y tendemento pa medio di e palabra di Cristo.
Mas un hende tende di e palabra di Dios, mas fe ta yena su curason, y esaki ta pone cu duda mester aleha for di su bida.
Palabra di Dios ta bisa den Romanonan 12;2: No sea conforme e mundo aki,ma sea tranforma pa medio di e renobamento di boso mente,pa boso por comproba kico ta e bon y agradabel y perfecto boluntad di Dios.
Ora nos ta cana de fe y sin duda, nos ta cana den boluntad di Dios, pasobra nos ta demostra cu nos Fe , cu nos ta sirbi un Dios bibo y Soberano, Kende ta move y ta Todopoderoso, e ta tur caminda y pa medio di dj’E tur cos ta move.
No tene miedo,pasobra Mi ta cu bo, no desmaya, pasobra Mi ta bo Dios, lo Mi fortalesebo,Lo Mi yuda bo,si lo mi sostenebo,cu mi man drechi di husticia.
Sinceramente, Pastor Marcel Balootje
