Cada dia nos por tuma nota, con e palabra di Dios ta wordo rechasa, con hende no ta respeta e palabra di Dios, y ta haci tur locual ta posibel pa desobedece e palabra di Dios, y haci locual cu nan kier.
Den Santiago 1:21-24 e palabra di Dios ta bisa: Pesey poniendo un banda tur sushedad, y tur loke ta keda di maldad, den humildad ricibi e palabra cu a wordo planta den boso, cual por salba boso almanan.
Ma sea cumplido di e palabra, y no solamente tendedo cu ta ganja nan mes. Pasobra si un hende ta tendedo di e palabra, y no cumplido, e ta manera un hende cu ta wak su cara den spiel,pasobra una bes cu e a wak su mes y a bay, e a lubida mesora ken e tabata.
Den obediencia na e palabra di Dios, nos tin victoria, pasobra e palabra di Dios, ta instruccion pa nos bida, e ta duna nos fortalesa, e ta duna nos e forsa necesario, pesey semper nos por depende riba e palabra di Dios.
Den Lucas 6:46 e palabra di Dios,ta splica bon cla bisando: Pakico boso ta yamami Senjor, Senjor , y no ta haci loke mi ta bisa?
Ken cu haci locual Senjor ta bisa , semper lo wordo beneficia for di e palabra , pero esun cu desobedece e palabra di Senjor lo wordo perhudica, pa su falta di obediencia na e palabra di Dios.
E palabra di Dios ta Dios su prensencia, ta Dios su poder, e ta e autoridad di Dios riba nos bida, y sin e palabra di Dios, nos bida no tin direccion.
Den Juan 15:7 Hesus ta splica kico e palabra ta haci den nos bida bisando: Si boso keda den Mi y Mi palabranan keda den boso, pidi tur loke boso kier, y esaki lo wordo haci pa boso. Den esaki mi Tata ta wordo glorifica, cu boso ta carga hopi fruta, y asina ta demostra di ta Mi disipelnan.
E ta para scirbi cu na principio tabata e Palabra, y e Palabra tabata cu Dios. E tabata na principio cu Dios.Tur cos a bini na existencia pa medio di dj’E y fuera di dj’E nada di loke ta existi no a bin na existencia.Den dj’E bida tabata, y e bida tabata e lus di hende.( Juan 1:1-4).
Tur milager cu Hesus a yega di haci tabata pa medio di Su palabra, cu palabra e tabata saca demonjo, y cu palabra e tabata calma laman.
Den principio Dios a crea tur cos pa medio di su palabra, Dios ta manda su palabra y e palabra ta trece sanacion y liberacion pa nos bida.
E palabra di Dios ta coreccion y disiplina pa nos, e palabra di Dios ta libra nos for di atake di e enemigo, e palabra di Dios ta habri tur porta pa nos.
Pa medio di e palabra di Dios nos ta sembra y cosecha, pasobra e palabra di Dios tin forsa riba tur cos.
Mundo ta yen di poder militar y politico, pero ningun di nan tin mas forsa cu e palabra di Dios.
E enemigo ta purba di tur forma for di den Genesis pa troce e palabra, pasobra e enemigo sa cu ora hende ta obedece e palabra di Dios, e no por sembra scuridad y inmoralidad den bida di hende.
Pesey awor nos tur sa cu nos lucha no ta contra carni cu sanger, y cu nos tin di haci oracion contra e forsanan di scuridad y oracion ta palabra.
Sinceramente, Pastor Marcel Balootje
