Palabra negativo ta rondona henter mundo, hende ta papia cosnan den cual no tin ningun clase di crecemento, solamente cosnan malo, dudoso, cu ta produci confusion esey ta wordo propaganda.
Y nos tur sa cu esey ta plan di diabel pa mantene hende den scuridad.
Pero e palbra di Dios ta bisa nos den Juan 6:63 ; Ta e Spirito ta Esun cu ta duna cu ta duna bida, e carni no bal nada,e palabranana cu Mi a papia cu boso ta spirito y ta bida.
Ta pesey tur hende mester lesa nan bijbel pasobra den dje bo ta haña palabra pa encurasha bo bida, palabra berdadero den cual Dios mes ta instrui nos, y asina lanta nos fe, duna nos curashi pa no duda, pero enfrenta e bida di tur dia cu confiansa den Dios.
Hopi palabra ta wordo papia pa kibra hende, pa descurasha hende, pero e palabra di Dios ta edifica hende, pasobra hende mester wordo edifica pa asina su bista habri, y e por wordo libra for di e gara di e enemigo.
Den tur hogar Bijbel mester wordo lesa , pasobra den dje nos lo conoce e boluntad di Dios berdadero pa nos bida, e caminda cu nos tin cu sigi pa nos por tin exito den tur cos, y nos lo prospera pasobra esey e palabra di Dios ta bisa pa nos bida. ( Josue 1:8).
Corda e palabra duna na Bo sirbido, den cual Bo a haci mi spera. Esaki ta mi consuelo den Mi afliccion,cu ta Bo palabra a rebiba mi. ( Salmo 119:49-50).
Yerba ta seca y flor ta marchita, ma e palabra di nos Dios ta permanece pa semper. ( Isaias 40:8).
E palabra di Dios,
Ta cura herida,
Ta trece pas,
Ta lanta morto,
Ta trece liberacion,
Ta kibra cadena,
Ta kibra tur clase di maldicion,
E palabra di Dios tin mas poder cu tur bruheria y santeria,
E palabra di Dios tin poder riba tur inmoralidad y impuresa,
E palabra di Dios ta salba nos alma y libra nos for di candela di fierno.
Hende lo wordo huzga den e ultimo dianan pa motibo cu nan a rechasa e palabra di Dios ( Juan 12:48),
Pasobra palabra di Dios ta Dios mes, pasobra tur cos a wordo crea pa medio di su palabra.
E ta para scirbi den Juan 1:1 bisanso; Na principio tabata e Palabra y e Palabra tabata cu Dios, y e Palabra tabata Dios,
Dios ta papia y cosnan ta wordo crea, Dios ta papia y cosnan ta sosode, pesey awendia ora nos ta papia den Nomber di Cristo Hesus, e palabra di Dios ta bira real den nos bida, y milagernan ta sosode ora nos kere den Su palabra, pasobra den e palabra di Dios tin bida pa tur esnan cu ta kere,
Duda ta ladron di bendicion. Esun cu ta duda, no lage kere cu e ta ricibi algo di Señor siendo un persona inconstante y di curason dobbel ( Santiago 1:6-7-8),
Tur palabra di Dios ta puro, e ta un escudo pa esnan cu ta tuma refugio den dj’E.(Proverbionan 30:5).
Nos ta bibando den un tempo caminda palabra di Dios ta wordo poni un banda y palabra di maldad y inmoralidad, palabra malo ta wordo usa tur caminda, pero e boluntad di Dios ta pa nos papia locual ta bon, pa nos mira e bondad di Dios, manifesta den nos bida.
Pa medio di e palabra di Dios nos ta yega na arepentimento y limpiesa di conseshi y curason.
Palabra di Dios ta poderoso.
Sinceramente, Pastor Marcel Balootje
