Nunca stima un yiu, mas cu otro, bo no por tin un yiu favorito riba bo otro yiunan, semper balansa bo amor como mayor den cas, pasobra e e spirito di envidia cu ta bini directamente for di diabel ta loer den bo hogar.
For di principio di mundo envidia y jaloers a trece, dolor , tristesa y hasta morto den famia.
Cain y Abel ( Genesis 4:1-5).
Hose y su rumannan ( Genesis 37).
Lea y Raquel ( Genesis 29-30).
Jacob y Esau ( Genesis 25-27).
Den Galationan 5:19-21 e palabra di Dios ta splica nos cu envidia ta un obra di carni, ta algo carnal, y esnan cu ta participa den obranan di carni lo no hereda e reino di Dios.
Furia ta cruel y rabia ta un diluvio,ma ken por bestan un hende jaloers?( Proverbionan 27:4).
Un curason trankil ta bida pa e curpa,ma envidia ta putrimento di weso.( Proverbionan 14:30).
Ta bon pa nos como mayor splica nos yuinan for di chiki tocante, envidia, pasobra bo por envidia un hende pero nunca bo por kita for di dje e bendicion cu Dios a dune, y si bo logra haciendo maldad, husticia di Dios ta pone cu lo bo no gosa di dje.
Envidia no ta trece pas ,hende envidioso tur momento ta nervioso y preocupa, pasobra nan meta no por wordo logra.
Tin hopi wolf bisti na carne, cu ta aserca cas di hende cu pensamentonan di envidia, simplemente pa trece problema den famia, buscando confiansa pa nan sa cosnan di e famia y despues nan mes ta cuminsa papia contra di e famia.
Tin hende cu e diabel ta influencia nan mente asina tanto cu nan ta purba kibra un famia, pasobra sin nos wak e asunto bon den adulterio tambe tin envidia, pasobra hende ta haci tur locual ta posibel pa kibra locual Dios a uni.
Santiago 3:16 ta para scirbi: Pasobra caminda ta existi envidia y egoismo tin desorden y tur sorto di cos malo.
Pleito den cas, violencia den famia, discucion na trabao, traicion na trabao, bringamento pa puesto,discucion den matrimonio, tur esey ta sosode bao di influencia di envidia.
Hasta den politica, comercio, media , tur caminda envidia ta presenta como un competencia, pero nos tin habri wowo y mira bon cu e ta un hecho cu ta sali for di curason.
No kiboca compara envidia cu sabiduria, pasobra tin hopi envidioso, cu ta kere cu ta sabi nan ta, y bon nan ta,pero den envidia no tin nada di sabiduria, ( Corda cuanto cos Hose su rumannan kier a haci cune pa nan por kite for di caminda).
E sabiduria aki no ta esun cu ta bini di ariba,ma e ta terenal,natural, diabolico.( Santiago 3:15).
Envidia ta scuridad pa nos bida pasobra e palabra di Dios ta bisa: Y esaki ta e mensahe cu nos a tende di dje,y ta anuncia na boso,cu Dios ta lus,y den dje no tin nada, nada di scuridad. Si nos bisa cu nos tin comunion cu Dios, y sinembargo, nos ta cana den scuridad, nos ta ganja y no ta pratica e berdad.
Un hende envidioso ta cana den scuridad, pasobra e no ta stima su ruman, pasobra ta imposibel bisa cu bo ta stima Dios, y bo no ta stima bo ruman.
Como mayor nos tin cu haci oracion pa nos yuinan, pa asina preveni cu envidia por drenta cas, y haci desaster,
Pasobra envidia ta drenta tur caminda cu e hanja porta habri, den nos hogar, den iglesia, na trabao, y hasta cu e bisinja.
Dios spaar nos y libra nos.
Sinceramente, Pastor Marcel Balootje
