Spirito Santo ta trece union den Famia, Spirito Santo ta guia, comforta, y intercede pa nos dilanti di Dios.
Spirito Santo ta guia nos na tur berdad, Spirito Santo ta yuda nos reconoce e evangelio di e Gloria di Cristo.(2 Corintionan 4:4)
Caminda Spirito Santo di Dios ta: tur locual ta impuro, inmoralidad, falta di respet, violencia, amargura, orguyo mester bay.
Ora e presencia di Spirito Santo ta den nos bida, nos ta duna fruta cu ta wordo reconoce cual ta pas, goso, pasenshi,cariño,bondad,fieldad,mansedumbre, dominio propio.
Spirito Santo ta bini den nos bida, ora nos habri nos bida y nos curason y invita Cristo Hesus bin biba den nos bida, sin e presencia di Dios den nos bida, no tin presencia Spirito Santo den nos bida.
Si boso ta stima Mi , boso lo warda Mi mandamentonan. Y lo Mi pidi e tata . Y E lo duna boso un otro consolador, pa E keda serca boso pa semper. Esta e Spirito di berdad, Kende e mundo no por ricibi,pasobra e no por mir’E ni tampoco reconoc’E , ma boso conoc’E pasobra E ta biba serca boso, y lo ta den boso.( Juan 14:16-17).
Ora nos lanta nos yuinan den caminda di Dios, nos yuinan lo tin e presencia di Spirito Santo den nan bida, un hoben cu tin e Spirito Santo den su bida dificilmente, por ta cana cu arma y bende droga.
Un hoben cu ta yena cu Spirito Santo den su bida no ta cana den inmoralidad, ni tampoci ningun hende por bruha su cabes tocante su identidad,y bisele cu e por ta homber y muher na mes un momento.
Un hoben cu tin e Spirito Santo di Dios den su bida, dificilmente por ta bisti indecente, papia palabra vulgar,busca pleito, haci redo,y falta respet pa su mayornan.
E presencia di Spirito Santo den bida di un hoben, ta cambia su actitud, su manera di pensa, y asina e por ta un persona humilde, sano y integro.
E palabra di Dios ta papia cla cu nos, ora tin rebeldia den nos bida bisando: Ma nan a rebeldia y haci Su Spirito Santo tristo pesey,pa nan E a cambia bira nan enemigo y E a bringa cu nan.( Isaias 63:10).
E palabra di Dios ta bisa nos cu amistad cu mundo ta enemistad cu Dios, y ora nos tin enemistad cu Dios, nos tin enemistad cu su Spirito Santo, pasobra nos tin cu corda cu nan tres ta move hunto, Tata , e Yiu, y e Spirito Santo.
Efesionan 4: 30-32 ta bisa :Y no haci e Spirito Santo di Dios tristo, pa medio di Kende boso a wordo seya, pa e dia di redencion. Laga tur amargura, furia, rabia, griteria,y calumnia wordo kita for di boso,hunto cu tur malisia . Y sea cariñoso cu otro , misericordioso,pordonando otro,mescos cu Dios den Cristo tambe a pordona boso.
Nos mester tin Cristo Hesus na prome lugar den nos bida, nos hogar y nos famia, pasobra Su presensia ta haci e diferencia, cambia un edificio den un hogar.
Un cas caminda no tin e presencia di Spirito Santo, ta wordo nota, na e comportacion di su habitante nan.
Un persona cu no kier arepenti, aparta for di pica y ta busca tur manera pa keda den scuridad, e Spirito Santo ta aparta,caminda tin egoismo, orguyo,y caminda hende no ta respeta Dios, e presencia di Spirito Santo no tey.
No gaña boso mes, Dios no ta laga haci bofon di dj’E.Locual hende sembra e ta cosecha.( Galationan 6:7).
Sinceramente, Pastor Marcel Balootje.
