Carta tras di carta ta confirma:
Algun lider sindical na Aruba (no nan miembronan) tin un sed insasiable pa bebe sanger di e coalicion actual.
Nan unico obhetivo ta nan egoismo personal, sin ningun comprencion pa pais y e momentonan dificil cu pandemia a laga nos aden.
No a pasa ni 1 siman cu nan a haya 5%, ya nan ta cla pa sigui, den un forma insasiable.
No tin nada pa sacia nan!
Apesar cu a splica nan cu nan lo cobra na 2023, na manera totalmente inacceptabel nan a cuminza exigi pago na augustus, asabienda di e carta di CAFT cu lo wordo trata dia 26 di augustus.
Nan plegaria ta receta pa aanwijzing! Y e ora ey kico nan kier haci? Cafg ta exigi pa reduci e defecit.
Aruba no tin placa, mester fia ainda pa cera e buraco di 2022.
Pues, sindicato ta pidi mas, Caft ta pidi menos!
Pero, sindicatonan gelink politicamente, dirigi via remote control, ta hasi e trabao ey cu placer, pasobra nan kier mira otro partido den gobierno, pero e partido di corupcion!
Ta berguenza pa mira e actitud insasiable! Nada ta calma nan sed! Nada ta bon! Ta nan so tin rason y nan so sa mihor!
Dia nan a firma den dialogo social cu Mike, ta nan mes a frega pensionadonan. Nan mes a afecta pension.
Y awendia nan no ta ni puntra nan miembronan. Nan ta reuni, bebe koffie y come pandushi cu nan ta haya regaldo di e cabesio, y plania tur siman con pa agita pueblo.
Nos ta haci un yamada na nan consenshi! Stop di kibra pais y stop di drumi tur anochi pensando con pa core cu gobierno!
