Tur locual Hesus a bisa, durante e tempo cu e tabata cana aki riba mundo, mester sosode aunke e por zona ofensivo pa hende, pero nan tur ta avisa hende pa nan biba den boluntad di Dios, y evita di bay fierno.
Hesus ta splica cu fierno ta real mescos cu cielo ta real, awor hopi tin miedo di bisa hende e berdad pasobra nan ta pensa cu e palabra ta duro y e hende lo bandona iglesia, misa, tempel, den un palabra bisa e lugar den cual nan ta reuni.
Hopi tin miedo di perde miembresia, pero nos deber ta pa sinja e hende e berdad di e palabra di Dios, y no laga nan biba dos bida, pa nan no wordo enganja , cual ta e plan di diabel.
Aunke con fuerte cu e palabra por zona, den Mateo 13: 24-41 Hesus ta splica di e yerba shimaron y e bon simia. Hesus ta splica bon cla den Mateo 13:37 bisando:
Esun cu ta sembra e bon simia ta e Yiu di hende, y e cunucu ta e mundo, e bon simia ta e yuinan di e reino,y e yerba shimaron ta e yuinan di e malbado, e enemigo cu a sembra nan ta e diabel, y e cosecha ta e fin di mundo.
Den Mateo 13:28 ta wordo splica cu e yerba shimaron y e bon simia lo ta hunto, kiermen nan dos lo crece hunto riba e mundo aki, y e esclabonan a puntra cu si mester ranca e yerba shimaron for di hunto cu e trigo , Senjor a bisa no, pa no sosode cu mientras boso ta recohe e yerba shimaron, boso ranca e trigo tambe hunto cune.
Laga tur dos crece hunto y na tempo di cosecha e lo manda su angelnan, pa recohe e yerba shimaron mare na boshi pa kima nan, ma recohe e trigo y warda den su mangasina.
Aki nan nos tur ta mira bon cla cu tin dos tipo di hende ta cana riba e mundo, esun cu kier obedece y esun cu ta manifesta den rebeldia, nan lo parce otro,pero ta solamente Dios conoce curason di hende y Dios mes lo manda su angelnan pa separa nan for di otro.
Pa nos splica esaki mas cla cu Dios, a stima e mundo asina tanto cu e a entrega Su Yiu unigenito pa ken cu kere den dj’E no bay perdi ma tin bida eterna.
Awor hopi te e dia di awe hende no kier, of nan ta religioso y acepta mitar berdad, nan kier ta cu Cristo y nan kier stima mundo tambe y e palabra di Dios a bisa cu esun cu stima e mundo e amor di e Tata no ta den dje.( 1Juan 2;16).
Tambe e ta bisa den Juan 3:36 : Esun cu kere den e Yiu lo tin bida eterno, ma esun cu no obedece e Yiu lo no tin bida,ma e furia di Dios lo keda riba dje.
Awor pesey den Mateo 25;33 lo tin e cruel realidad di juicio pa tur hende, den cual lo tin separacion di carne na man rechts y cabrito na man links.
Den Mateo 25:33 e Rey ta yama esnan na su man drechi , boso cu ta bendiciona di Mi Tata,hereda e reino cu ta prepara pa boso for di principio di mundo.
Den Mateo 25:41 e ta bisa esnan na su man links, Aparta boso mes for di Mi boso maldicionanan bay den candela cu a wordo prepara pa diabel y su angelnan.
Tene cuenta cu e berdad.
Sinceramente, Pastor Marcel Balootje
