Den Filipensenan 3:12-14 Pablo ta encurasha nos tur pa nos tin un bida cu ta agrada Dios bisando;
No cu mi a a alcansa esaki caba, of cu mi a bira perfecto caba, ma mi ta haci tur esfuerso pa mi por gara e loke pa cual mi tambe a wordo gara door di Cristo Hesus.
Rumannan mi no ta pretende cu mi mes a gare caba,ma un cos mi ta haci,lubidando loke ta keda atras y aspirando loke ta dilanti.
Mi ta haci tur mi esfuerso pa alcansa e meta, pa hanja e premio di e yamada,celestial di Dios den Cristo Hesus.
Pero tambe den 2 Timoteo 3:1-5 Pablo ta spierta nos tur atrobe cu den e ultimo dianan temponan trabahoso lo bini, bisando lo siguiente:
Pasobra hende lo ta stimado di nan mes, stimado di placa, gabado, arogante,blasfemado,desobedecido na mayornan, ingrato, impio, sin amor, ireconciliabel, cu mala lenga,sin dominio propio, grosero,odiado di loke ta bon, traido, imprudente,soberbe,mas bien stimado di placer cu stimado di Dios, cu tin aparencia di ta religioso berde, ma cu ta nenga su poder, evita e sorto di hendenan aki.
Tur esaki ta pa nos ta na altura den ki tempo nos ta bibando, pa nos por cuida y hala mas riba e caminda di Dios, pasobra awor e decadencia moral y spiritual ta bisto tur caminda.
Decadencia Spiritual:
Hende ta persisiti pa keda biba den pica y no ta worry cu boluntad di Dios.
Hende a perde temor di Dios y respet pa Dios.
Hende no kier arepenti ni tampoco reconoce e Soberania di Dios.
Hende ta tuma malo haci bon, y tuma bon haci malo.
Hende ta menosprecia e mandamento y principionan di Dios.
Hende ta haci bofon di Dios.
Hende ta papia di Dios, pero nan no ta kere den Dios, y nan no tin tempo pa Dios.
Hende no kier tin Cristo Hesus como prioridad den nan bida.
Hende ta mas mara na idolatria, y ta lubida cu ta Cristo Hesus ta e unico caminda di berdad y bida.
Decadencia Moral:
Falta di respet pa matrimonio.
Falta di respet pa mayornan,
Falta di respet pa ley.
Aumento alarmante di buracheria, paranda y droga, cual ta hiba na tur clase di adiccion.
Yiunan no ta wordo lanta den caminda di Dios.
Desacuerdo y division den famia.
Aumento di inmoralidad den tur sentido.
Aumento di perversidad.
Aumento di corupcion y falta di integridad.
Aumento di orguyo y arogancia.
Aumento di carnalidad ( Galationan 5:19-21) hasta den cas di Dios.
Salmo 34:11-14 ta para scirbi: Bin yuinan, scucha mi, lo mi sinja boso e temor di Senjor. Ta ken ta e cu ta desea bida,y ta stima bida largo, pa e por mira bondad? Warda bo lenga di maldad, y bo lepnan di papia enganjo. Aparta bo mes di maldad y haci bon, busca pas y siguie.
Isaias 59:1-2 ta para scirbi; Mira e man di Senjor no ta cortico cu e no por salba, tampoco Su horea ta sordo cu e no por tende.Ma boso inikidadnan a causa separacion entre boso y boso Dios.y boso picanan a haci cu Su cara a keda scondi pa boso , asina cu E no ta tende.
Dios a haci un promesa na nos tur cu ta para scirbi den 2 Cronicanan 7:14 bisando:
Si Mi pueblo cu ta wordo yama na Mi nomber, humiya nan mes, y haci Oracion,y busca Mi cara y bira for di nan mal camindanan, e ora ey lo Mi tende for di cielo,y lo mi pordona nan pica y cura nan tera.
Dios tey pa nos tur.
Sinceramente, Pastor Marcel Balootje
