Sintonisa Canal 22 tur diamars y diahuebs anochi pa 8.00pm
ORANJESTAD- Ayera nochi un biaha mas e famoso programa E STREA di Fin di Aña a briya na Canal 22, dunando e gran inicio di e temporada oficial di fin di aña na Canal 22 y Top Fm 95.Un programa cu por a gosa for di inicio te cu final cu e dushi temporada di fin di aña a yega atrobe. Un elenco artistico excelente cu a brinda Aruba e dushi ambiente di e temporada. E Strea di Fin di Aña a briya un biaha pa Aruba, un programa yena cu ambiente y den su estilo unico presenta pa nos presentadora estelar di Canal 22 Sandra Croes ya pa 14 aña consecutivo, compartiendo cu e pueblo di Aruba e berdadero significacion di e temporada di Pasco. A inicia e bunita programa di STREA cu refleccion di Pastoor Andres Macovic di Parokia di Savaneta, sigi pa e dushi ritmo di One of A Kind Music di Jurick Salomon y a presenta un bunita homenahe y dedicacion na Myandra Croes, hunto cu Rejoice Gospel Group y intercambia cu varios entrevistanan.
Danki na Paseo Herencia Mall pa e confiansa y haci STREA briya for di nan prestigioso ballroom.Un invitacion pa sintonisa Canal 22 tur diamars y tur diahuebs pa e dushi ambiente di fin di aña.Mas di e prome edicion por aprecia ariba e photonan adhunto.
