E berdad mester wordo bisa
E berdad mester wordo exponi y treci riba mesa, sin spaar ningun hende, menos Arthur Dowers cu a forma parti di e gobierno di mas corupto den historia di Aruba, unda cu no menos cu 3 pa 4 minister lo wordo encarcela pa actonan di corupcion.
Riba cabes di Paul Croes ta colga 3 pa 4 aña di prison y riba cabes di Benny ta colga 10 aña di prison ora bo scucha abogado David Kock papia di e caso.
Durante 8 aña di AVP, Arthur Dowers tambe a duna aprobacion na mal maneho di Lotto pa Deporte.
Nos ta spera cu durante di e Gobierno aki, Pueblo lo por recupera Lotto, hasiele atrobe pa DEPORTE y no manera AVP a haciele pa Canada. Desde 2011 pa 2019, e compania “Canadian Bank Note” a cobra 86 miyon florin cu ta di Deporte. Esaki ta danki na un Gobierno sin vision di Mike Eman cu Arthur Dowers. Ademas nan a aproba pa The Ladron Paskel & Family drenta Lotto y sakia fondonan grandi pa enrikese nan mes. No solamente cu Terra Group, pero cu Paxi Group, y tambe ruman Paskel a bira hefe di seguridad di edificio y bode pa reparti carta. Tur esaki na sumanan barbaramente halto.
Pesey awe nos tin un Lotto den Bancarota, cu no por cumpli cu su pagonan na DEPORTE, ni cu su gastonan di operacion, confirma den rapport di accountant Grant Thorton. Mester restablece bek Lotto pa Deporte, hasiele pa Deporte y no pa Canada.
Den 8 anja di MEP di 2001 pa 2009, Pueblo ta testigo di cuanto cos Lotto a haci…
Den 8 anja di Arthur Dowers y Mike Eman ta dos logro nan tin: Gasta placa den investigacion y regala Canada 86 miyon florin. Ohala tin un ley, pa pone nan responsabel di nan mal maneho!
Laga nos sigui splica Arthur Dowers, con su partido AVP a laga Lotto na werki: Nos ta lesa for di rapport Grant Thorton 2019!!!!
Debenan
Riba pagina 6 den e balans di raport 2019 di Grant Thornton ta mustra cu Lotto tin na fin di 2019 un total di Awg 34.133.779 na debenan, mientras riba pagina 23 di e raport 2019 ta para cu na fin di 2019 Lotto pa Deporte tin solamente Awg. 1.359.885 na banco y cash in hand.
Ta mas cu claro cu riba papel Lotto ta bancarota. Ta pesey mes Accountant ta hopi cauteloso di firma e raport 2019.
Lotto a bira un cliente di hopi riesgo. E Accountant kier mira proof di gerencia cu realmente existencia di e fundacion ainda por? Cu otro palabra cu ainda por salba Lotto pa Deporte di un bancarota. E maneho desastroso aki a hinca Lotto pa Deporte atrobe tur den debe mescos cu a pasa na 2011.
Riba pagina 26 di e raport 2019 ta papia di un debe na fin di 2019 na Sportsubsidie Commissie di Awg. 988.196. Pa cuminsa e raport 2019 ta slordig pasobra Sportsubsidie Commissie masha tempo no ta existi mas.
Awendia ta Stichting Sportsubsidie Aruba. Mirando e debe di casi un Awg 1 miyon kiermin cu Lotto pa Deporte no ta cumpliendo cu su obligacion pa subsidia deporte. Ta masha facil pa bisa cu mi ta subsidia deporte, pero mi no paga manera mester ta of DEPORTE no ta haya su placa.
Pa colmo di los colmos tambe riba mesun pagina 26 ta para cu na fin di 2019 Lotto pa Deporte debe hasta su Accountant mes un suma di Awg 316.250.
Porta pesey tambe e Accountant NO kier firma e raport 2019?
Esaki ta un splicacion pa Arthur Dowers, pe lesa y compronde, ki desaster su gobierno a haci cu Deporte.
