E logo official di Biking Squad Aruba a wordo diseña door di Rachelle Kluytmans di Phoenix Heart Creation. Bo por wak nan bunita logo riba nan uniform parti patras of riba nan mondkapje. Parti dilanti di e uniform, bo por wak tur e logo di e sponsornan cu a juda cu e uniform.

Biking Squad Aruba kier a gradici tur su sponsornan cu a contribui pa cu e prome uniform, danki na Eumar Lock & Key Service Aruba, More4Less Jeep & Car Rental, Andina Ice, Ay Caramba Transport Transfer & Private Tour Aruba, Compra Aruba y Jossy Motors.

Como aprecio y forma di gradici e sponsornan, Biking Squad Aruba a tene un recognition ride, unda cu a pasa bishita cada un di e sponsornan y presenta un bunita regalo, un mondkapje y un Tshirt cu e logo di Biking Squad Aruba.

Biking Squad Aruba mes a wordo funda dia 7 di November 2020 door di señor Rubert Paesch y su team di 3 bikers, cual ta Yina Maduro-Viatela, Nathalie DaCosta y Frans Tromp. Awe e ta conta cu un tremendo team di 13 miembro.

Biking Squad Aruba su metanan principal ta pa como famia y team pa traha huntu pa juda otro bai dilanti, pa ta un miho coredo y naturalmente pa mantene salud.

Biking Squad Aruba ta invita tur hende pa follownan riba nan facebook page.

LEAVE A REPLY

Please enter your comment!
Please enter your name here