Diabierna Conseho di Ministro di Reino a tuma e decision cu no ta necesario duna gobierno di Aruba un aanwijzing pa cambia presupuesto 2022.
Esaki no tabata un sorpresa, ora cu CAFT a haci varios fout den nan conseho y for di 13 punto, Aruba a cumpli cu 11 punto.
CAft a duna varios conseho robes, confirma pa Van Huffelen. Nan a equiboca den cifras. Nan tabata haci calculacion robes di deficit, bruhando cifranan den otro.
Sinembargo Aruba a traha duro y a haci ehercicionan di su banda. A baha deficit di 227 miyon te cu 112 miyon cual ta un accion cu a gana e confiansa di Hulanda.
E esfuerso di Aruba, ta loke Hulanda a considera. Alcontrario na Gabinete Eman cu a haci e deficit mas grandi, e coalicion di Mep/Raiz a reduci e deficit.
Ta logico cu partidonan politico hunto cu algun corant, radio y periodistanan cu ta pronostica desaster a keda malamente desapunta. Hamas nan a biba pa kere cu Aruba lo no haya aanwijzing. Nan ta asina politicamente ciega, cu ta green so nan por mira. Pa nan te gobierno actual ta robes, Mike Eman ta corecto.
Nan plan macabro tabata pa mata Aruba cu aanwijzing pa asina destrui Mep cu Raiz, cual no a sosode!
Algun lider sindical y periodista a entusiasma nan decepcion bisando: Aruba no a scapa, pasobra na 2023 e ta bin. Josefina a cuminza instiga mesora cu e noticia a sali.
Riba esey Van Huffelen a bisa cu aworaki no tin absolutamente ningun problema, pasobra 2023 no a ni cuminza ainda. Y e ta kere cu Aruba lo sigui haci su esfuerso.
Mas cu claro e nivel halto di Evelyn cu Xiomara pa deal cu Hulanda ta loke a yuda masha hopi. Contrario na Mike cu a bay welga di hamber, sapatia, instiga contra Rey y manda memo pa tur departamento pa no copera cu CAFT e tempo aya. E tempo aya Mike a papia cu nan a verkracht e!
Evelyn y su gobierno demonstra liderasgo!
Apesar di tur cos, Esfuerso ta loke ta bal. Bon intencion, esfuerso y lucha. Kisas bo no ta alcansa e meta, pero contal bo prueba cu ba purba.
Pa awor, Aruba a cumpli y ta den bon relacion cu Hulanda. CAFT mester wordo revisa y su expertonan mester ta mas cuateloso cu skirbi o pidi coy loco.
Pabien Aruba, Pabien Mep y Raiz.
