Na Aruba, hopi hende ta keda sorprendi riba e maneho di Ministerio Publico, cu aparentemente ta midi cu dos midi, depende di ken ta involucra den un caso. Dos caso recien ta ilustra e situacion preocupante aki: ex-ministro Glenbert Croes contra ex-ministro Mike Eman.
***Un Regalo di Pasco cu a costa un puesto di minister
Glenbert Croes, ex-ministro, a ricibí durante tempo di pasco un basket cu dos botter di biña. Un regalo normal den hopi cultura durante e temporada di fiesta. Pero Ministerio Publico a declara cu esaki tabata relaciona cu permiso cu Croes supuestamente a duna. Sin prueba fuerte, Croes a wordo arresta i despues mester a entrega su funccion. Un regalo pasco a bira un supuesto soborno pa Ministerio Publico.
**50 Mil Dollar i Terreno a cambio di fabor
Na otro banda, Mike Eman, un otro ex-ministro, a ricibi 50 mil dollar di e empresario Roberto Rincón—un suma di placa cu tabata proveniente di corupcion na Venezuela segun investigacionnan internacional. Eman a usa e placa aki pa financia campaña politico na Aruba i a cambio, el a duna Rincon terrenonan. Pero diferente for di e cask anterior, e Ministerio Publico nunca a tuma ningun accion legal contra Eman.
***Hustisia of Persecucion Selectivo?
E dos caso aki ta mustra claramente cu Ministerio Publico ta midi cu dos midi. Un hende ta perde su cargo i ta cay den inbestigacion pa dos botter di biña, mientras cu otro ta bay cu 50 mil dollar di soborno sin consequencia.
E situacion aki ta crea desconfiansa den nos sistema di hustisia. Un pais merece un sistema cu ta igual pa tur hende, sin preferensia político sin importa ken bo ta.
Ministerio Publico tin e obligacikn pa reacciona riba e criticanan, pa mustra cu hustisia na Aruba no ta selectivo ni ta manipula segun interes politico. Si no, e confiansa den nos institucion an lo sigui disparese, i lo bira mas claro cu hustisia na Aruba, envez di ta ciego, ta wak ken e ta wak.
