Tin ves nos mester para keto pa asina refleccion y educa nos mes. Atraves di añanan Gobierno di Aruba a cay den un mega debe. E Mega Debe aki tin un costo. E costo ta gasto di intrest.
Tur aña Gobierno di Aruba mester presupuesta 260 miyon florin cu pueblo ta paga na belasting, pa manda pa City Bank na New York, cual ta un di e banconan cu a fia Aruba placa y ta cobra intrest.
Oposicion ta keto riba paga debe:
Constantemente nos ta scucha oposicion ta papia riba tur sorto di tema. Nan ta signala cu Gobierno mester duna mas placa pa tur sorto di cos. Loke nunca nos a tende opiscion papia riba dje ta e gasto di intrest.
Pais Aruba su debe ta causando cu e prestamistanan ta bibando lekker. Nan ta esun cu ta gosando di e Mega Debe di Aruba. Cu poco consenshi nos tur por sa cu a yega ora pa stop di basila. Mester hala fala mara pa cuminza paga debe.
Pa aña 2023, Gobierno a propone cu nan lo logra alcansa 60 miyon florin surplus. Esaki ta un logro hamas antes visto, unda profin lo tin placa pa cuminza paga bek e mega debe.
Dentro di algun aña e gasto di intrest lo por baha di 260 miyon pa 130 miyon anual y asina Aruba lo por hala rosea atrobe, unda cu e placanan cu lo bini liber, lo por sigui inverti.
Loke ta straña nos ta cu henter oposicion, esta Marisol, Miguel, Mike Eman y tur di nan nunca ta papia over di e intrest. Nunca nan kier papia di dje, pasobra nan ta gusta hunga politica sushi.
Ta yega ora pa nan deal cu e berdad di Aruba. Stop di instiga, ciegando nan mes pa e problema real di pais Aruba.
Te aworaki, ta MEP te unico partido cu ta papiando di solucion. Lo no tin solucion cu fiestamento. Solucion lo bini solamente cu sacrificio di un y tur.
Loke ta mas importante ta pa pueblo wordo consientisa cu loke Mike Eman y AVP a haci cu pais Aruba, NO MAG RIPITI! Sino e lo bira un spiral cu ta hiba nos den mas y mas pobresa, pasobra na fin di dia, DEBE ta tece POBRESA.
