Aruba tin un otro hoben professional. Ariba 26 di augustus ultimo, Edmarc Kock un studiante  Arubiano, a termina cu exito su Master of Science den Consultancy & Entrepreneurship na  Rotterdam University of Applied Sciences. E tema di Edmarc su thesis a concentra riba expansion strategico cu un organisacion den e “Event and Entertainment Industry” por ehecuta  y alaves surpasa obstaculo nan pa nan ta mas financieramente sostenibel pa un periodo largo.  

Durante su estudio na Hulanda, Edmarc a sigui un programa intensivo cu cursonan manera:  Strategy & Innovation, Finance for Entrepreneurs and Consultancy, Funding, Digital Marketing,  Responsible Business Management, Sustainable Reporting.  

Prome cu Edmarc a bay Hulanda, e la completa su Bachelor Degree na University of Aruba den e  programa di Organization, Governance and Management (OGM). 

Reflecionando riba e logro grandi aki, Edmarc kier a expresa su gratitud na tur cu a yud’e: 

“Mi kier gradici na tur hende cu a yuda y sostene mi durante mi añanan academico. E exito aki  no ta solamente di mi, pero tambe di mi famia, mi pareha, amigonan, mentor nan y e  comunidad di Aruba cu a keda na mi banda.” 

Cu logro aki, Edmarc kier inspira otro hobennan na Aruba pa sigui nan soñonan cu  determinacion: 

“Sigui bo soño, no importa con leu e por parse, cu determinacion, fe y perseveransia, bo por  logra bo meta nan”. 

Cu su fundamento na University of Aruba y awor cu un Master for di Rotterdam University of  Applied Sciences, e lo ta cla pa contribui cu su experencia y conosemento na e progreso positivo