Enfermeria a origina den tempu antiguo komo un rol di cuido enfoca riba cuido, higiena y asistencia, hopi biaha realisa pa hende muhe of figuranan religioso y hende cu tawata wordo considera cu tin e don di cura tawata wordo yama “curandero”. Den enfermeria conoci pa “mantelzorg”
E era di Florence Nightingale a cuminsa durante e Guera di Crimea (1854), caminda cu Florence Nightingale a forma y dirigi un grupo di enfermero pa maneha condicionnan antisanitario, reduciendo significantemente e cantidad di mortalidad, nutricion y sanamento por medio di practica higiena.
Na 1860, Florence Nightingale a funda e prome school di enfermeria: Nightingale Training School for Nurses na St. Thomas Hospital na London, estableciendo educacion formal basa riba principionan cientifico.
E transicion na gran escala di entrenamentu den servicio, caminda bo tawata emplea pa un hospital pa entrenamentu y ricibi un diploma tawata wordo yama: “inservice opleiding”. Cu tempo a ripara cu e diplomanan ta wordo reconoci solamente den hospital unda a obtene esaki pasobra cada hospital tawata pone nan mesun exigencianan pa por obtene nan diploma.
Hulanda a introduci e transformacion di “inservice-opleiding” pa un BOL (Beroeps Opleidende Leerweg) na 1997. For di e 1997 padilanti, e “inservice-opleiding” a wordo descontinua den tur hospital na Hulanda y na Aruba pa sigui cu e dos ruta principal a wordo establece: BOL y BBL opleidingen: MBO-nivo 2-3-4, HBO-V- nivo 5 y verpleegkunde specialist-nivo 6.
Tur e opleiding den enfermeria desde 1997 ta cay bao di un “onderwijsinstituut”, un school cu ta bao guia di inspectie onderwijs cu ta guia y controla pa e integridad di e examennan pa asina por garantisa cu diploma ta cumpli cu tur criteria di e opleiding pa por wordo reconoci local y internationalmente.
Aruba tambe a sigui e cambio nan aki, pasobra Aruba no ta educa pa por traha of studia na Aruba so. Desde 1997 Colegio EPI, unit Salubridad y Servicio a wordo funda pa ta e school encarga cu tur educacion na Aruba ariba MBO-nivo. Educacion di enfermeria na Aruba ta wordo duna door di e unit Salubridad y Servicio, cu ta duna e opleiding nan di:
Verzorgende-nivo 3, Verpleegkunde nivo 4, den tur dos opcionnan: BOL y BBL.
Aruba semper a keda bao guia di schoolnan di Hulanda pa garantisa cu diplomanan ta wordo reconoci na Hulanda, pa sigura cu tur studiante por sigui studia na Hulanda. Actualmente desde 2020 Colegio EPI ta bao guia di ROC pa e introducion di methodo nobo di e opleiding nan den zorg cu ta HKS-model y esaki tambe ta bay man den man cu e introducion di e “Doorlooplijn” di ABO (Arubaanse Beroepsonderwijs Opleidingen) di Aruba.
Awo na Aruba por cuminsa studia enfermeria na EPB cu ta obtene nan diploma
Zorg MBO-nivo 2. Cu diploma aki nan por sea bay traha como un “verpleeghulp” of nan por sigui studia na Colegio EPI haci nan opleiding Verzorgende IG MBO-nivo 3 y sigui pa Verpleegkunde MBO-4. Ora na caba na Colegio EPI sea nan por bay traha como un “verpleegkundige” of sigui studia na Aruba na Xavier Univertsity pa obtene nan diploma di BScN cu ta para pa Bachelor of Science in Nursing. Esaki ta e designacion internacional of academicamente orienta pa un programa di licenciatura den enfermeria. E diploma di BScN ta e mesun nivel cu e HBO-V regular (Hoger beroepsonderwijs in Verpleegkunde). Cu esaki Aruba ta sigura e doorlooplijn di por studia den enfermeria di MBO -2 te cu HBO-nivo 5 na Aruba.
Prome cu 1996 un “verpleegkundige” cu ta desea di obtene un specialisacion mester a bay sea Curacao na Instituto Formacion di Enfermeronan (IFE) na Curacao of bay Hulanda pa sigui esaki. Awendia Aruba mes ta duna opleiding nan di specialisacion den enfermeria bao guia di Amstel Academie, parti di Amsterdam UMC, cu ta un instituto educativo lider na Hulanda cu ta specialisa den programanan di enfermeria postgrado y programanan di sosten medico na nivel di MBO y HBO. E specialisacion nan aki por sigui nan na Aruba mes cu ta wordo duna door di e afdeling opleiding di Dr. Horacio Oduber Hospital: HOH Academy. Casi tur specialisacion cu Aruba ta brinda cuido un enfermeria por specialisa nan mes na Aruba mes. Sea cu ta traha na HOH of na IMSAN por bin nan remarca pa sigui un specialisacion na Aruba. Specialisacionnan cu por sigui na Aruba ta entre otro: ICU-CCU-Dialyse, SEH, Oncologie, Obstretie en Gyneacologie, Geriatrie, Kinder, Neuro. Bao guia di WGK (Wit Gele Kruis) Aruba un “verpleegkundige” por specialisa su mes como un POH-verpleegkundige (Praktijk Ondersteuning Hulpverlener) .Un enfermero di POH ta un enfermero spesialisa ku ta sostene e dokter di cas den cuido di pashentnan, hopi biaha cu condicionnan cronico of problemanan di salud mental. Funcionnan comun di un POH ta:
POH-S (Somatika): sosten pa condicionnan fisico (cronico) manera diabetis, COPD, of malesanan cardiovascular. Un POH-GGZ (cuido di salud mental): sosten pa kehonan psycologico y psycho-social. POH-O (cuido di grandinan): sosten dirigi specificamente riba hendenan grandi vulnerabel.
Cu esaki ODEA kier stimula tur studiante cu ta sinti nan yama pa studia pa bira un enfermera, enfermero of nurse pa haci un reflexion profundo si ta yama pa haci pa duna cuido cu hopi amor y respet pa e prohimo y inscribi pa inverti den bo educacion pa por bira un nurse y asina nos tin mas persona pa duna cuido di calidad na nos patientnan di Aruba. Pa studia pa bira un nurse no tin edad, mester tin e yamada, curason y boluntad pa inverti den educacion cu e profesion ta exigi
Si bo yui a caba 6de klas y ta sinti cu ta un nurse e kier bira inscribi bo yui na EPB pa sigui e opleiding di zorg, pa e por cuminsa forma su mes pa e profesion. Si bo yui a caba MAVO y kier bira un nurse laga bo yui inscribi su mes na Colegio EPI pa volg e verpleegkunde opleiding. Si bo yui a caba HAVO y kier bira un nurse y no kier bai Hulanda lage inscribi su mes na Xavier university Arubapa volg e opleiding di BScN.
Si bo ui kier bai Hulanda pa sigui HB)-V busca tur informacion hopi tempran pa por bay Hulanda bon prepara pa e reto aki.
Si bo persona ta un adulto y ta sinti cu kier bira un nurse inscribi bo mes na ABO cu ta duna opleiding MBO-nivo 2, 3 y 4 pa tur adulto den oranan di anochi.
Aruba mester di personan nan cu tin e vocacion y dispuesto pa inverti den nan estudio pa por bira un nurse na Aruba.
E scarsedad di enfermeronan den futuro ta crucial, cu scarsedadnan pronostica di mas ku 225.000 pa 265.000 mil trahado di cuido medico na 2034-2035. Debi na un poblacion cu ta enbeyeciendo y e demanda creciente pa cuido, Aruba lo sinti e efecto aki mucho mas grandi. Awo caba Aruba ta depende di enfermeronan specialisa di exterior pa por duna cuido.
Aruba mester di bo persona cu ta sinti amor pa cuida pa inverti den bo estudio pa por bira un enfermera, enfermero, un nurse.
Ta enfermera, enfermero, un nurse ta un titulo protehi cu no ta tur hende por yama nan mes un enfermera, enfermero of nurse (verzorgende of verpleegkundige. Pa bo por jama bo mes un “verpleegkundige” bo persona mester entrega bo diploma na Kwaliteit Instituut Gezondheidszorg Aruba (KIG) pa bo diploma wordo evalua y registra den Aru-BIG. Esaki ta pa brinda e patient y nan famia e seguridad cu e “verpleegkundige” cu ta duna bo cuido ta un “verpleegkundige” cu a studia pa por haci esaki. Na momento cu Aru-BIG haci su introducion pa “verpleegkundigen”, tur persona cu ta yama nan mes “verpleegkundige” y no tin e diploma pa esaki lo wordo atendi y lo haya un boet pa yama su mes “verpleegkundige” y/of ta haci un “voorbehouden handeling” cu e no ta capas “bevoegd” pa haci, lo haya un boet pa haci esaki.
Cu esaki Aruba ta sigura tur patient cu nan ta ricibi nan cuido door di “verpleegkundigen” cu a studia y ta regista pa haci esaki.
E tema di siman di enfermería e aña aki ta: Our Nurses, Our Future. Empowered Nurses saves life.
ODEA ta invita bo persona pa hunto empodera cuido di enfermeria door di scohe pa studia enfermeria, educa bo mes pa bira un enfermera, enfermero, nurse den futuro pa Aruba.
ODEA ta felicita tur enfermera, enfermero, nurse ariba nan dia, disfruta di tur actividad cu cada instituto ta organisa pa su enfermera, enfermero, nurse ariba nan dia. Awe 12 di Mei ta nos dia:
Dia di enfermería.
Danki pa scohe pa ta un enfermera, enfermero, nurse, mei mei di tur otro opción cu tin pa studia aewendia. Danki pa tur esfuerzo cu bo persona ta duna pa cuida comunidad di Aruba. Danki pa educa y guia nos futuro nursenan den nan formacion.
Salubridad di Aruba mester di bo pa sigui brinda e cuido na nos comunidad y turistanan cu ta bishita nos isla. Sea orgulloso di ta un enfermera, enfermero, nurse. Abo so sa cuanto bo a inverti den bo estudio pa awe bo ta un : enfermera, enfermero, nurse.
Our Nurses, Our Future. Empowered Nurses saves life.
Comunidad di Aruba awe ta e dia pa bo persona por mustra aprecio na tur nurse ariba nan dia.
.
