*** Ta basta cu wega; Nada no por ta bon pa e gremionan ora MEP ta den gobierno.

/// Ken a boycot BTW su introduccion, bisa pueblo pa caba!!!

Via su red publico,  ex premier Nelson Oduber a duna su contribucion na e ultimo desaroyonan: 

Ma ken por!!!!

Tempo cu a introduci na 2008 apenas 3% di BBO hopi den comercio a abusa cu prijs, mientras nos intencion tabata paulatinamente pa baha belasting directo locual nos  a haci tambe y pa su introduccion nos compensa pueblo cu nada menos 70 miyon florin y nos intencion tabata ta pa bay pa belasting indirecto. 

No tabatatin BBO ariba carni, pisca, pan, fruto y un hala di cos mas. 

Pa castiga pueblo y yuda Avp drenta gobierno a cobra BBO ariba tur cos. E tempo ey nos  a cambia tambe e tabel nan di Inkomsten belasting a baha loonbelasting  basta substancial y WB e ultimo aki cu segun mi 7 %.  Tambe a aumenta pensioen y onderstand!

Comercio cu Avp a start un wega di cu lo tin yen di schakels cu no tabata berdad. Si tabata tin ta pasobra nan mes deliberadamente  a crea esaki nan !Kiko a sosode? Avp a ganja pueblo  cu nan lo kita e apenas 3 % di BBO y boso a yuda nan gana eleccion. Una vez den gobierno gabinete Eman casi 2 aña a cobra e 3% di BBO y ningun gremio a protesta y despues e caha di manipulacion di Avp y su medio nan comprometi a habri nan caha di triki cu nan lo baha e BBO cu 1.5% cu tabata un triki pa yuda comercio, pasobra ningun di nan a baha prijs di ningun producto  y a strika extra mas cu 150 miyon florin pa anja. 

Ningun producto su prijs a baha nan entrada nan extra so a crece !!!Avp a bin cu 2 % extra di BAZV sosteni pa su gremio nan cu tabata un aumento di BBO, un aumento drastico di BBO , unda hopi den comercio tabata cobra bo promer sub total cu 1.5 0/0 anto ariba esaki ta klap bo e 2 % BAZV  extra aki ,locual tabata un abuso. 

Tur hende hasta Hose Feliciano tabata mira e cos aki y tabata sa cu gobierno no tin hende pa controla  esaki. E tabata periodo di paga gobierno locual bo kier. E reforma di belasting cu nos kier a trece a fracasa pa motibu di falta di control y boycot den comercio. 

Awe cu mi a kere cu gobierno  a siña su les ata nos atrobe cu aumento di BBO, awor no ta e triki di schakels, pero no cobre na frontera. 

Nada no por ta bon pa e gremio nan ora ta MEP ta den gobierno. Ami lo kier sa ta ken a stroba, para pa defende nan gremio nan  a stop e introduccion di BTW cu Hulanda casi henter Europa pa masha hopi anja ta practica cu exito cu na Hulanda no ta no 3%, sino pero 19.5% ????? 

Por tin partido politico contra esaki?????  Ta ki miedo  tin pa porfin  gobierno por na un forma pragmatico controla bo omzet ora bo cumpra y paga mesora??? Ta ken ta contra bisa pa caba??? 

By the way tempo nos gabinete a introduci apenas 3% BBO tin cu a gana eleccion na 2009 y a priminti pueblo cu ta kite y no a kite. 

Awe BBO a pasa 4 gobierno y ainda e tey cu hasta comercio cu tabata contra a apoya esaki pa miedo panico di introduccion di BTW. BBO si sigui asina cu boycot a bin pa keda!!!! E mester por tabata bon anto!!!!! BBO di gabinete Oduber mester tabata bon ya cu tur gobierno despues te awe tin e!!!!!Oh Lord duna mi basta anja mas di bida den e mundo yen di hypocrecia y manipulacion di un pueblo. Introduccion di BTW ta un must of lubida cu porfin gobierno, pueblo por hanja su fair share y gobierno collect 22% di nos GDP na belasting. Ken ta boycot BTW su introduccion , bisa pueblo pa caba!!! Basta wega.

ReplyForward

LEAVE A REPLY

Please enter your comment!
Please enter your name here