Den su mas reciente comunicado di prensa, cu a titula “señor presidente”, obviamente por constata cu Armand Hessels, aparte di ta un mierrenneuker, ta duna indicacion fuerte cu e ta un spion di Hulanda, traidor di Aruba, persona inconfiabel y peligroso. Cu e ta un batido di muhe cu den pasado a bati su casa malamente, nos ta bin bek riba e topico ey na margen di e discucion.
El’a yama Parlamento di Aruba pa Cas Satanico:
Armand Hessels a haya ta bon, den su ultimo comunicado di prensa, pa yama parlamento di Aruba pa un Cas Satanico. Armand a saca su gal di odio riba Parlamento di Aruba, riba politiconan di Aruba y asina tambe riba HENTER NOS PAIS ARUBA! Kico ta su obhetivo? Kico ta su agenda? SPION DI HULANDA? mas cu claro desde algun aña caba e ta haciendo un trabao pa Hulanda, pa acelera e re-colinisacion di Aruba?
Fundacion di Hessels a haya cientos di miles di florin di gobierno actual pa traha rapport:
Lo mas tristo ta cu e coalicion aki di MEP-POR-RED a sponser su fundacion cu algun cientos di miles di florin, sea ta 100, 200 of te hasta 300 mil florin, cu el’a haya di Gobierno, pa asina su fundacion haci investigacion. Realmente nos no por caba di compronde con por a confia e loco aki pa haci un investigacion, pasobra algo neutral, hamas y nunca lo sali di e persona cu ta nada otro presunto spion di Hulanda na Aruba. Ya ta pa hopi aña caba cu e ta bagatelisa tur Arubiano!
Recientemente por a lesa su articulo “señor presidente”
Ora nos a kere cu nos lo bay lesa algo drechi cu tin algun valor agrega den dje, a bin resulta cu ta puro redo, storias, calumnias y nada mas cu odio. Esey ta su custumber pa manda carta pa Hulanda, skirbi buki, haci redo cu WODC, y tur esaki pa su odio cu e tin riba pais Aruba. Den su reciente articulo den prensa el’a saca su gal riba parlamento! Armand a lastra parlamentarionan, basa riba yen coy loco! Un di nan ta pasobra e parlamentarionan ta menciona mucho hopi “señor presidente”. Esey ta un critica cu merece un pagina den corant?
Frustracion politico?
Berdad ta cu nunca Armand por a cristalisa su soño pa bira parlamentario, ora cu na varios ocacion el’a ocupa number 2 riba lista di RED, pero e tempo ey ta Rudy Lampe so a drenta parlamento y Hessels a keda afor. Esaki sigur por a causa un frustracion hopi grandi cerca e presunto Spion di Hulanda Hessels. Despues e no por a subi lista mas, pasobra aparentemente el’a bati su casa, cual hecho a keda relata den prensa tambe.
Parlamentarionan ta ripiti pregunta:
Un otro critica di mucha chikito ta cu Hessels ta cuestiona cu parlamentarionan a keda ripiti loke un otro a cabi trece dilanti. Acaso Hessles no sa cu cada parlamentario ta funcciona liber? Nunca el’a mira cuanto dobbel pregunta Tweede Kamer ta puntra/haci? Pues su critica ta basa riba nada otro cu odio, cosnan sin base. E tin un agenda pa convence pueblo cu Hulanda mester tuma over? Pues, ta muestra di rabia riba Aruba!
Segun Hessels cu parlamento ta un “Divershon popular”. E comentarionan di Armand ta asina baho, unda ela tribi di yama parlamento di Aruba y parlamentarionan pa Cas Satanico, cu a crea suspenso pa horanan largo. Nos mester desaproba e mentalidad baho y vil aki di Armand Hessels. E reunion den parlamento a bay manera cualkier otro y cu debido respet di un pa otro! E por tabata largo, pero e tabata dentro di tur regla di parlamento. Pa yame Satanico? Kico tin di diabel den dje? Un bes mas Armand ta kere cu e por lastra Aruba na su antoho manera e gusta haci. Manera e tin añasnan ta hasi?
Piki Pieu:
Su critica nos ta considere “piki pieu”. Ora cu no tin nada drechi pa skirbi, pa complace cu Hulanda, ta cuminza piki pieu riba tur cos. Ora bo tin rabia riba tur politico, bo ta cuminza critica cualke cos. El’a sigui skirbi: Perdemento di tempo “E presentashon aki a fortifica mi convicshon cu Parlamento como tal den nos democracia, basa riba partido politico, ta placa tira afo” Ta con Hessels kier anto? Hessels cu Atan kier provincia?
Hessels kier pa overhaul politica na Aruba; E kier Provincia!!!
Overhaul ? Ta kico Armand kier overhaul ? Ang….. Pa Hulanda tuma over? Nos lo no ta nada straño cu esey, pasobra Armand tin añas ta skibri buki cu contenido falso, añas ta manda informacion Hulanda, na 2010 a reuni cu WODC pa hasi redo falso riba Aruba, hincando nomber di tur hende aden, just pasobra el’a lesa cosnan den corant y nunca por a substancianan.
Cuanto placa Armand a cobra bao di e coalicion aki MEP-POR-RED? Por ultimo, den tur su afan pa bati politiconan cu palo, nos kier sa cuanto placa e Gobierno aki di coalicion, a duna Armand su fundacion. Esey si ta bon? Esey no ta satanico? Pa Armand cobra? Cuanto? 100 mil, 200 mil of 300 mil ? Y nos ta convenci cu su rapportnan cu e lo presenta na final, lo ta contene veneno, pasobra su unico pasion ta pa caba cu Aruba y pa Hulanda tuma nos pais over.
Ta asina trabao di spionage Hulandes ta funcciona y nos ta sospecha cu Hessels seriamente ta spiona pa Hulanda door di manda redo y storias falso di cualke redo cu e tende riba caya. Si bo ta biba na Aruba, haya poco stimacion pa Aruba y stop di hinca Aruba cu cuhui den lomba! Cuminza pa RESPETA Arubiano, y si ta asina hopi rabia bo tin riba Aruba, busca bo caminda move.
