Sucu ta presente den un gran cantidad di alimento y no solamente den mangel of bolo, algo cu hopi persona kisas no sa. Pa por perde peso a largo plaso ta fundamental pa controla e consumo di caloria, pero particularmente esunnan cu ta contene sucu.
Shaigan Sikandar, un hoven indio di apenas 22 aña cu tabata pisa 95 kilo apenas un aña pasa, a dicidi di recorta vet y sucu pa hiba un bida sano y saludabel.
Shaigan a splica e corant Times of India, cu perde peso no ta un proceso facil, unda ta necesario pa kibra cu e custumber actual di come, y cambia pa un dieta balansa cu ta dunabo e nutrientes cu mester. El’a reduci caloria di sucu y el’a aumenta e proteina.
Den su desayuno nunca falta un webo cu pan indio; ora di come semper e ta tuma varios fruta manera, appel, melon, y anochi e ta escoge lechuga, acompaña pa roti, pan tipico indio.
Ademas, e ta bebe awa na gran cantidad durante henter dia, pa mantene hidrata.
Ora di haci deporte, no ta añadi nada especial: poco koffie y mas fruta.
Di e forma ey el’a laga sucu desaprce for di tur loke e consumi. Sucu ta presente den masha hopi cuminda!
Tin sucu tur caminda! Den sauce, den alimento procesa, cereal di desayuno, refrescos of den vinager, pa menciona algun ehempel. Y tur e productonan ey ta añadi caloria, cu ta innecesario pa nos curpa.
Importancia di deporte
Shaigan a cuminza haci deporte. Sinembargo, e ta hopi enfatico; no ta un plan di 3 luna, sino un cambio di estilo di bida.
Mester percura pa haci un minimo di 30 minuut di actividad fisico pa dia!
El’a eligi coremento. Na comienzo tabata dificil, pero despues ta bira facil. Tur mainta e ta cana 4 kilometer y atardi tabata core 3 pa 4 kilometer.
Den total e tabata haci un hora di deporte pa dia. Esey a hibe na perde, den un aña, 22 kilo y a bolbe pisa 73 kilo.
Recorta sucu for di bo alimento y mira e resultado!
