Nos Miss Teen Aruba International Elizabeth Johnson a Sali diasabra ultimo pa Guatemala pa asina representa Aruba den gran forma den e concurso Teen Grand Universo, cual concurso ta ser organisa pa di dos vez. E ganadora di aña pasa tabata e representante di Panama. E aña aki tin 11 pais ta compete, varios di nan a cai afo pa motibo di studio y tambe e variante nobo.
Elizabeth a viaha cu cu director nacional George Winterdaal, cu makiyista Edseline Leung, su estilista Allan Kock y tambe su Mama Desiree Johnson, su Tata Theodore lo yega diahuebs anochi Guatemala pa asina e por presencia e gran final cual ta diabierna 10 di December 2021.
Durante Elizabeth su estadia na Guatemala e tabata semper amable y cordial cu tur hende y esey ta bunita ora bo skucha con nan ta papia di dje y di Aruba su hendenan.
Tabata dianan basta pisa carga cu seccionan di potret den Traha nacional ,trahe di Gala,Trahe de Baño , Y un sin fin di actividad.
Diaranson a tuma lugar e parti pre eliminar unda e candidatanan a modela den gala, badpak trahe tipico y diahuebs lo tuma lugar e entrevista cu e Jurado.
Nos sa cu Aruba ta bon representa pa Elizabeth Johson y cu poder di Dios diabierna lo ta un dia di Victoria. Nos ta desea Elizabeth y henter e team di Aruba tur clase di exito
