En conexion cu e noticianan reciente tocante e entrega si of no di empleadonan di N.V. Elmar, nos kier a aclarea lo siguiente.
Tur empleado y sindicatonan di N.V. Elmar a bai deacuerdo pa entrega na un manera voluntario y a acorda pa entrega un suma di nan salario y di nan bonus pa por yega na e 12,6% pidi door di Gobierno di Aruba. E condicion bou cual por a yega na un areglo mutuo pa entrega, ta cu e placa reteni lo keda den caha di N.V. Elmar pa asina yuda Elmar su situacion financiero, cual na e momento ey tabata precario.
E situacion precario cu a surgi na mei tabata e resultado di un bahada drastico di consumo na e hotelnan y den comercio y tambe den retraso den pago di nos clientenan.
A opta pa retene e placa na Elmar pa sostene e cash flow positie di Elmar como tambe pa garantisa cu Elmar por cumpli cu su obligacionnan financiero a base di e Dual Term Loan Facilities Agreement mirando cu un eventual default door di Elmar lo por tin consecuencia (financiero) riba e otro dos companianan estatal siendo WEB y Utilities.
Desde mei 2020 tur empleado di N.V. Elmar a demostra di ta solidario cu e compania y tambe cu comunidad y pa esey nos kier a gradici nan inmensamente.
