ELMAR ta orguyoso pa participa den Golden Age Expo na Alhambra Ballroom riba 6 di juli 2024. E evento a atrae cientos di bishitantenan unda diferente organisacion tabata presente pa comparti informacion pa mehora e calidad di bida di e comunidad di adultonan mayor.
E booth di ELMAR tabata un centro di informacion, unda nan duna un presentacion, contesta preguntanan durante un sesion di Q&A (Question & Answer), atende cu tur inkietud cerca nan booth, y comparti informacion tocante nan servicionan.
“Nos ta feliz di a forma parti di Golden Age Expo,” Audrey Croes, PR & Communications Officer di ELMAR a bisa. “E evento aki a duna nos un oportunidad fantastico pa conecta cu nos clientenan pensionado y esnan cu ta bayendo cu pensioen, pa compronde nan necesidad miho, y pa duna informacion valioso cu por yuda nan navega e fase aki di nan bida cu confiansa.”
E evento tabata un exito rotundo, facilitando interaccionnan y comparti conocimiento entre e bishitante y organisacion. ELMAR kier extende nan gradicimento na e organisadornan di Golden Age Expo pa realisa un evento tan impactante.
Pa mas informacion tocante ELMAR y su servicionan, porfabor bishita www.elmar.aw.
