Eman atrobe cu mensahe robes
E idea pa Aruba bira un mesa di negosacion entre Merca i Venezuela ta un locura total. Cua negosacion? No tin negosacion mas, i tampoco no mester tin. Realidad ta kla: tur decision grandi ta wordo tuma directamente na White House. Aruba no ta den posicion pa cambia e dinamica geopolitico entre e dos potencianan aki.
Loke si mester haci ta pensa practico i estrategico. Na lugar di papia di “mesa di negosacion”, e lider di Aruba mester lanta telefon i yama Vitol i Trafigura, invita nan pa bini Aruba pa un conversacjon serio. Un reunion enfoca riba negoshi, logistica i oportunidad real pa e isla.
Aruba tin infrastructura, posicion geografico i experiencia den energia. E Storage Tanks nan no por keda sin uso mientras oportunidad ta pasa dilanti nos. Ban pa activa e Storage Tanks awor! Esaki por trese trabao, ingreso i relevancia economico sin drenta den conflicto politico cu no ta di nos.
Nos mester laga fantasia i actua cu realismo. Aruba no ta un mediador geopolitico; Aruba ta un hub logistico cu potencial. Si nos kier progreso, mester uza e fortalesa cu nos tin, no crea ilusion cu no ta di nos caliber.
Actua awor. Negocia cu compania. Activa economia.
