Recientemente un grupo di empleadonan di sector priva, a sigui e curso “Supervicion Profesional Avansa” presenta pa B&P/ Interface Training.
E obhetivo di e curso intensivo aki tabata pa adqueri conocimiento importante di supervicion y pa ricibi e hermentnan necesario con pa supervisa na trabao.
E duracion di e curso aki tabata di 6 biaha un biaha pa siman.
E cursistanan a sinja con pa fortalece e effectividad di supervicion pa asina crea un team cooperativo cu ta produci na trabao. Topico nan cu a wordo presenta durante e curso aki ta : Comunicacion Effectivo, Instrui y duna encargo, Coaching di personal, duna Guia efectivo y motiva bo personal, resolve conflicto y negociacion effectivo, con pa soluciona problema, con pa tuma decision efectivo y ponemento di meta. E curso tabata intensivo y practico na manera cu ora e cursista jega su trabou e por aplica loke ela sinja mes ora. E curso a wordo presenta pa Sra. Drs. Cynthia Smith, facilitadora certifica den servicio di B&P/ Interface Aruba. Esnan cu a gradua ta: Minerva Hayes, Dominico Leonardo, Alvaro Paramo, Hyacinth Gayle, Sorayma Britten, Jennifer Roga, Mildred Tromp, Rudolph Haseth, Lisandro Gil, Christopher Oduber, Joshua Corona, Kathleen Kelly, Clarette Quandus (no ta riba e foto), Angelo Koolman y Gregorio Milton. Un palabra di felicitacion ta bai na tur e graduadonan.
