Diasabra 13 di mei e artistanan local Merveline y Mike Geerman ta organisa un workshop di copi, scoter y tegels cu cual material por traha un flor decorativo. E workshop aki ta wordo organisa en conexion cu Dia di Mama y lo tuma lugar den e Hardin di Shoco na Savaneta 91 (hardin di Indira Skincare).
E flor ta simbolisa e habilidad di e mama pa por crece den e rol aki. Cu amor, awa y nutricion y sin lubida e solo y luna, manera un flor, un hende muhe ta desaroya su mes den un di e rolnan mas bunita den su bida. A scohe pa traha e flor aki cu tegels pero tambe pida copi y scoter. Copi y scoter ta piesanan cu ta wordo uza pa bebe te of koffie, y e momentonan aki ta representa un momento di relahacion. Esey tambe ta kiko e meta di e workshop creativo aki ta, pa e participantenan por relaha na un manera sano.
Specialmente pa Dia di Mama nos ta ofrece un High Tea hunto cu e workshop creativo. Esaki ta consisti di te (cayente/frieu), koffie y diferente hapjes.
Orario di e workshop ta 18:00-20:30. Pa por registra por tuma contacto cu e team organisatorio via 5934821 of 5667488. Prijs ta AWG 100 y ta inclui material, workshop y high tea.
Pa mas informacion tocante e actividad creativo di e artistanan local, por lesa mas riba e facebook pagina “Pariba di Brug”.
