Den un encuesta hasi pa e portal Noticia Cla, a sali na claridad cu Mep keto bay ta mantene su sosten amplio den pueblo.
Cu un mayoria comodo, e ta mantene o hasta crece, den relacion cu otro partidonan.
Partido Avp ta cay aun mas atras den sosten, y por nota un schuif di Avp pa partidonan nobo.
Partidonan nobo ta mantene of crece y esaki ta corela cu e perdida di sosten di Avp, den e encuesta.
Por analisa cu AVP lo perde un of dos asiento di sosten, y partidonan nobo ta tuma e asientonan aki.
Clima politico engeneral:
E campaña di opositornan contra Promer Minister pa tilde di gañado, no a resulta.
E credibilidad di Evelyn ta halto den pueblo y tambe di MEP.
E continuo pronostico di cosnan malo, cu despues no ta resulta, ta mustra net lo contrario, esta cu odio, insulto, rebaha hende, no ta bezig ta dunando fruta na opositornan.
Prensa aliado di Avp, mihor bisa e Rochelistanan ta causando hopi daño na AVP, mas nan enfurece, rabia, zundra, hasi pret, e no ta traduci den kibra Mep.
E trankilidad di Evelyn y su ministernan cu ta lora manga di camisa pa traha y continuamente atende cu tur reto, ta haci nan e unico Gobierno cu ta goberna den crisis tras di crisis.
Di otro banda, e signal di e encuesta ta uno duro pa Mike Eman, Cu mester cuminza pensa na retiro y pensioen.
E no tin e forsa mas pa convence ningun hende y generalmente su credibilidad ta hopi afecta y irrecuperabel.
E futuro pues ta mustra awor un Mep solido, bon organisa, credibilidad halto, cla pa atende reto, pandemia, y tur otro situacion.
