Endy Croes: Veredicto final pa Benny Sevinger lo cay e luna aki

Parlamentario Endy Croes a tuma nota cu varios Parlamentario di AVP ultimo siman basta nervioso skirbiendo varios artikel riba varios tema pa despista e berdad. 
Dicon Parlamentarionan di AVP nunca a skirbi nada riba Rapport Bo Aruba di Algemene Rekenkamer di aña 2018? 
E rapport aki a caba cu Benny Sevinger di AVP. Akiden por a mira hopi bon con Benny y AVP a fiesta cu 1.600 miyon florin di pueblo cu varios proyectonan fantasma. Esaki tambe ta un motibo cu Benny lo paga cu castigo di prison y “soon” awo den luna di april e veredicto final lo keda anuncia pa (5) Hues di Cassatie di Hulanda.

𝐏𝐨𝐫 𝐞𝐡𝐞𝐦𝐩𝐞𝐥 𝐚 𝐩𝐫𝐞𝐬𝐭𝐚 𝐩𝐚 𝐭𝐫𝐚𝐡𝐚 𝟓 𝐌𝐅𝐀 𝐲 𝐚 𝐭𝐫𝐚𝐡𝐚 𝟒 𝐦𝐢𝐞𝐧𝐭𝐫𝐚𝐬 𝐞 𝐩𝐥𝐚𝐜𝐚 𝐚 𝐬𝐨𝐦𝐞𝐧𝐭𝐚: 
Rapport di Algemene Rekenkamer “Bo Aruba” di 2018 ta splika cu Benny cu Mike a planea pa traha (5) MFA pa un inversion total di 12 miyon florin. MFA-Noord-Paradera-Sta Cruz-Savaneta-San Nicolas. SOGA lo financia esaki parcialmente y Land Aruba a compromete nan mes pa paga esakinan den 25 aña 3.1 miyon florin pa aña pa un total di 78 miyon. ARA ta splica tambe cu pa e (5) MFA nan aki NO por a encontra un projectdossier. (is er geen projectdossier aanwezig). Na caminda Benny y Mike a caba cu e placa di inversion y MFA San Nicolas nunca a wordo traha. Pues a presta pa traha 5 MFA pero a traha 4 y resto di placa a somenta. Asina nan tabata maneha. Parlamentarionan di AVP nunca ta papia di e rapport di ARA aki. 

(𝟓) 𝐇𝐮𝐞𝐬 𝐝𝐢 𝐇𝐨𝐠𝐞 𝐑𝐚𝐚𝐝 𝐇𝐮𝐥𝐚𝐧𝐝𝐚 𝐥𝐨 𝐝𝐮𝐧𝐚 𝐧𝐚𝐧 𝐯𝐞𝐫𝐞𝐝𝐢𝐜𝐭𝐨 𝐝𝐞𝐧 𝐜𝐚𝐬𝐨 𝐀𝐯𝐞𝐬𝐭𝐫𝐮𝐬 :

Benny Sevinger X minister di AVP y tata di actual Parlamentario di AVP Sevinger tin un condena caba di 4 aña di prison riba su cabez. Esaki el a ricibi den un veredicto di HOF den luna di Juli di aña 2024. Benny a bay Cassatie unda (5) otro Hues lo duna un veredicto final. Despues di esaki no tin caminda mas pa cana y Benny lo mester bay sinta su castigo na KIA. Na inicio di Februari 2026 Advocaat Generaal Paridaens di Hoge Raad despues cu el a studia e caso y e sentencia di (3) huesnan di HOF a duna su conseho na (5) Huesnan di Hoge Raad. Segun e conseho di e Advocaat General cu HOF a onderbouwd suficientemente bon dicon Benny Sevinger X minister di AVP ta culpabel. HOF a presenta pruebanan contundente di e corupcion di siglo. (bewezen verklaarde feiten). HOF a prueba cu durante aña 2009-2017 Benny Sevinger a firma cientos di erfpachtterreinen. Literalmente ta para; “ Het HOF achtte bewezen dat Benny Sevinger in de periode tussen 2009-2017 honderden erfpachtaanvragen ondertekende en in ruil voor giften en donaties erfpachtterreinen verstrekte aan vrienden en aan de AVP-gelieerde personen, die deze vervolgens met hoge winst doorverkochten”. 
Probablemente 14 di April proximo lo bay tin veredicto!