Mientras cada Minister mester percura pa yega na un balansa di kico ta haya atencion y prioridadĀ
ORANJESTAD – Manera cu ta conoci Aruba ta den un situacion financiero dificil. Premier Evelyn Wever-Croes ta enfatisa cu e enfoke di Gabinete Wever-Croes II ta pa pone Aruba para riba su propio pianan.Ā
Prome Minister a splica cu e prioridad aworaki ta pa recupera e forsa financiero cu tabatin prome cu Covid y pa percura pa haci tur locual cu no a haci e tempo ey.
āNos problema na Aruba ta hopi serio y e ta complica pa trata na cera e deficit riba presupuesto, mientras cu na mes momento tin cu haci inversionnan grandi cu pa hopi aƱa a wordo neglisha.ā
Segun Prome Minister cada un Minister tin un tarea grandi pa percura pa yega na un balansa di kico ta haya atencion y prioridad.
Mester menciona cu tur locual cu Aruba mester paga Hulanda bek di refinanciamento di debe pa aƱa 2021 y 2022, por wordo paga na interes reduci. Premier Wever-Croes a duna di conoce cu a pesar cu a ricibi e interes reduci aki pa dos aƱa, lo kier mira cu Hulanda ta dune pa mas aƱa. Pa logra esaki tabatin negociannan cu Hulanda pero pa motibo cu e Gobierno ta demisionario, nan a indica cu mester warda riba ora e Minister di Finansas nobo sinta, pa sigui negocia cu nan.
Concluyendo Prome Minister a bisa cu e placa cu ta spaar lo bay na inverti den areanan cu pa hopi aƱa no a haci, percura pa economia draai y pa entradanan aumenta.
