Den e último dianan, a surgi informacion den medionan hulandes tocante un pakete di yudansa di € 600,000,000 primintí pa Hulanda na e islanan Caribense di Aruba, Kòrsou y Sint-Maarten, destina pa salba e e compania di aseguro Ennia cu ta basa na e islanan, pa e aseguradonan cu a asegura nan pencion cu Ennia no sufri perdida y no tin cu teme un descuento riba nan pencion.
Ennia Aruba ta lamenta profundamente e informe incorrecto aki, pasobra e ta duna e imprecion, eroneamente, cu Ennia Aruba ta den dificultad financiero.
E imprecion aki no ta corecto. E posicion finansiero di Ennia Aruba ta completamente na ordo. Ennia Aruba no ta bao di regulacion y supervision di emergencia di Banco Central di Curaçao Y Sint Maarten, sino bao di supervision hopi estricto di Banco Central di Aruba (“cba”) y ta cumpli cu tur e rekisitonan di solvencia di Banco Central “cba”.
E cifranan anual mas reciente pa 2022 di Ennia Aruba, ta publica riba e website di Ennia y tin un declaracion di auditor aproba, cual ta demostra cu e posicion financiero di e compania di seguro di Aruba ta excelente y cu e aseguradora dii Aruba por cumpli cu tur su obligacionnan pa cu e aseguradonan di pension y otro persona asegurado y creditor.
P’esey ta completamente falso cu Ennia Aruba ta depende di un manera of otro di e pakete di yudansa hulandes di € 600,000,000 pa por cumpli cu su obligacionnan finansiero cu su aseguradonan of otro creditornan.
Den nomber di Ennia Aruba,
The Management & RvC
Aruba, 7 di sèptèmber 2023.
