Ajera nochi a tuma lugar entregamento di trofeo na e ganadornan di Campeonato abierto di club pa anja 2021.
E Campeonato a wordo hunga den e periode di 16 Juni te/cu 8 September. Tawata tin 14 participante.
Na promer lugar a termina Annelaine Jacobs cu un score di 20 punto (8 gana, 4 tabla y 1 perdi).
Na segundo lugar tawata tin un empate entre Ricky Nisbet y Delbert Alexander. Ambos a termina cu 19 punto. Ricky a gana mas wega cu hungadornan fuerte y a keda na segundo lugar. Delbert na tercer lugar.
Dia 15 di September a start nos siguiente torneo cu ta e torneo legacy na memoria di hungadornan grandi cu ya a bai laga nos.
E standing despues di 3 ronda ta Mario Jansen y Annelaine cu 5 punto, Octavio y Ricky cu 4 punto. Despues ta sigui cu 3 punto Ricardo, Hector, Delbert y Chester.
Diaranson 13 di October e torneo ta continua cu e di cuarta rond.
Na promer mesa, lo enfrenta otro Mario Jansen contra Annelaine Jacobs. Ricky Nisbet contra Octavio Croes, Ricardo Wever contra Rolin Croes, Chester Berkel contra Hector Winterdal, Daniel Diaz contra Delbert Alexander y Elogio Croes contra Eugenio Filiciana.
E weganan ta start pa 7:00pm en punto den nos club na Nieuwstraat 11, Oranjestad.
Octavio Croes
Secretario di Club di Dam Arowak.
