Na Corsou, 28 candidato a cuminsa cu nan Formacion Militar Inisial (EMV). Despues di finalisa e simannan di introduccion, e candidatonan a cuminsa cu nan prome ehercicio. Actualmente nan ta pasando den un siman di bivak cu hopi reto na e sitio di e compania di mineria na Fuik. Na finalisacion di e EMV, cu ta dura seis luna en total, candidatonan lo ta cla pa avansa pa e unidadnan operacional di ARUMIL of CURMIL.
Durante e prome ehercicio, candidatonan a pone den practica e conocemento adkiri durante e simannan di introduccion. Entre otro, nan ta siña habilidadnan basico militar y ta practica e maneho safe di arma.
E candidatonan mas adecua a wordo selecta pa e EMV a traves di un proceso di seleccion riguroso cu a tuma luga na cuminsamento di e aña aki. E entrenamento a cuminsa cu simannan di introduccion na Kazerne di Marina na Suffisant. Durante e simannan aki di introduccion a enfoca riba formacion di team, ordo y disciplina, y e adquisicion di habilidadnan basico militar.
