Lider di CURPA, Eric Ras a trece opinion di partido CURPA riba e ultimo desaroyonan di nos pais. Hopi di su ponencianan ta carece di informacion corecto.

GASOLIN

Riba e aumento di gasolin, Sr. Eric Ras ta otro mas cu kier saca probecho politico di e situacion mundial, unda manera un incredulo e no kier rasona ni compronde cu e prijs di petroli a subi, y ta afecta mundo henter.

Ta bini cu tur sorto di ponencia, pa hedge gasolin. Ta cual compania ta bay ofrece hedge den pleno guera y sanccion contra Russia? Pues, e ta papia di hedge, pero na unda? Cerca ken ?

SCONDE TRAS DI CFT:

Eric Ras a sigui mustra su incapacidad pa compronde e retonan financiero di Aruba. Eric a lesa e ultimo carta di CFT pa constata con skerpi nan ta riba finansas di Aruba? Eric tin prueba cu Geoffry ta sconde tras di CFT ?

TUR COS LO POR BAY SUBI:

Eric tin rason, cu cosnan por bay subi y sigui subi. Esey te reto cu mundo tin. Na Merca, Hulanda, Colombia y rond mundo cosnan ta subi, cual ta debi na factor externo.

No por usa e hecho cu gobierno a core campaña cu: “A studia e materia” lubidando e hecho cu pandemia a bati na porta. Un mucha chikito mes lo compronde, cu ora Pandemia a dal, a hinca nos pais den un squal. Un persona cu ta nenga esaki, ta un incredulo.

Eric Ras ta puntra: Unda e placa di BAVP a bay?

Si Eric Ras hasi su trabao drechi, y e lesa e begroting di pais Aruba, e lo mester por analisa y compronde cu e BAVP cu ta produci den careda di 80 miyon, ta bay na tur e projectonan di PPP cu nos tin 25 aña pa paga:

Watty Vos Blvd, Green Corridor, Hosiptal, MFA, etc. Mike a traha yen cos, pero e no a paga nada! Ta gobierno actual na 2018 a haya e facturanan pa paga! Pues ta ki pregunta esey ta ? Kier hunga politica barata ?

GOEDEREN EN DIENSTEN Y HUUR;

Ningun di e criticanan aki tin base.

Gobierno a contesta CFT den un carta publico y a splica cu nan no por usa cifra di 2020, ora tabatin lockdown, ni tampoco di 2021 cual begroting a keda aproba laat den 2021.

Sinembargo mas detayes di esaki lo bini ainda.

AUMENTO DI GASTO DI PERSONAL 15 MIYON:

Atrobe Eric Ras ta lesa poco, y trece mal informacion. Pasobra e 15 miyon extra ta loke gobierno a begroot pa juist por paga bek e 12.6%. Di otro banda CFT ta pidi pa elimine! Pa Eric Ras esey ta aumento di gasto di personal, pero e mes ta keha cu nan mester entrega 12.6%. Pues no tin aumento di personal. E 15 miyon ta pa paga 5% for di Juli te December.

VUT

Segun Eric cu e VUT lo no baha e gastonan di personal. Hecho ta cu tur VUT a baha gasto di gobierno.

For di 2018 tin un plan di BVP y ta cumpliendo cune. Tin un protocol di personeelsnorm, cu ta cumpliendo cune.

Ta di lamenta cu Eric Ras kier hasi politica, treciendo puro informacion incorecto. Ta sugiri’e pa e hasi su trabao mihor y eleva su ponencianan pa un

debate di calidad. No cu odio of kier saca jugo politico cu mentira.

LEAVE A REPLY

Please enter your comment!
Please enter your name here