Un anochi literario impactante educativo inolvidabel den Arubiana/Caribiana
Un dushi publico cu a scucha e berdad
Di e.o. obranan teatral Macuarima y Quadirikiri
di Companashi y poesianan di amor
Mas bunita obranan di Ernesto cu bendicion di su Creador
Bunita pa sa e berdad di Ernesto su creacion
Palabranan di dje cu a bira cancion
Oh ki bunita obra di Ernesto E. Rosenstand
Bibo den nos mente alma y curason
Bibo den nos memoria
Na Dios tur e gloria
Talentonan y donnan
incomparabel, dushi y agradabel ta e poesia aki di Ernesto cu a bira un cancion stima pa nos nacion
“Solo lo no briya, awa lo no cay, biento lo no supla, ma nos si semper tey”
Esaki no ta un cancion di Etty Topenberg, e ta un poema di Ernesto cu a bira un cancion,
Cu un crenchi ayudo musical di Rufo Odor y Percy Jeandor hopi anja pasa y keto bay canta.
Ta bon pa pueblo sa y duna Cesar loke ta di Cesar.
Historia, cultura, idioma y amor a resalta e anochi unico aki, di Sta. Marta Colombia pa Aruba vice versa y mas.
Aruba a bira Ernesto su cas.
Aki el a biba stima y crese na paz.
Aki el a inspira hopi poesia di amor pa Mabel su casa, mama di nan 4 yiunan.
Aki su bukinan tur a mira luz, di Papiamento of di Wawa den mondi.
Cu poesianan di fe.
Un buki completo di dje.
Aki no tin caco di sconde
Aki tin berdad den bida historia y pasion den su scirbimento.
Danki Ernesto Jr., Litzanne y boso famia pa a comparti asina hopi historia den sabiduria di un Shon di hende hamas lubida !
Ernesto E. Rosenstand
pa semper den nos curason graba .
Ruthy Lady Ruth
29 September 2026
