No ta tur hoben ta malo, no ta tur hoben ta violento, pero locual ta para scirbi den 2 Timoteo 3:1-5, si tur hende no habri wowo awor, lesa y comprende, ta pasobra nan mes no kier, of no ta interesa, pasobra no tin mas ciego cu esun cu no kier mira.
Na prome lugar e comportacion di mayor;
Nos tin hopi matrimonio kibra, nos hopi mama soltero, nos tin hopi tata iresponsabel.
Awor aki hopi mayor kier duna un parental show, nan kier ta mas hoben, cu e hoben mes.
Nan kier biba nan bida y pone nan responsabilidad como mayor un banda.
E ehempel cu nan ta duna den palabra y actitud ta laga hopi di desea.
Ta riba ken bo kier pa e hoben wak si su mayor tin e mandato di Dios pa lante e mucha decente. ( Proverbionan 22:6)?
Ta ken ta esun cu mester coregi un mucha, creche , scol,, polis, Ministerio Publico, psycholoog of su mayor.?
Un mayor cu ta stima su yiu di berdad, mester coregi su yiu, y no laga cos bay for di man, bo no por complace cu un mucha asina tanto,no malcria e mucha.
Ta imposibel lanta bo yuinan den cas sin Dios, tur esnan cu a purba esey a faya,pasobra Dios ta bini na prome lugar.
Ki ehempel un mucha ta ricibi, si constant e ta mira falta di respet y violencia den cas?.
Con e hoben ta biba ora cu mayornan no ta cumpli cu nan deber di cuida cas, y cuida nan yiunan, pero locual tin ta paranda, buracheria y bagamunderia?
Na unda un mucha por hanja conseho ora su mayornan no ta comunica cu otro?
Hopi biaha bo ta tende e palabra”Mi mes ta mama, mi mes ta tata, e dicho ey mester wordo cambia, caminda no tin tata den cas, pidi Dios yudansa pa E ta e tata di bo yiunan, asina lo bo logra.
Ta manera un modernismo cu hende ta traha yiu cu otro sin casa, y despues cada ken pa su cuenta y asina e hoben tambe ta resulta pa su cuenta.
E balor di matrimonio y famia mester bini bek.
Oracion mester bini bek den cas.
Mester bolbe bek na caminda di Senjor, como Famia.
No laga internet ta e mentor di bo yiu, no cria mucha digital, pone atencion di berdad, fisicamente na bo yiunan.
Tene cuenta cu bida Spiritual ta cuminsa na cas y no den misa, iglesia of tempel.
Si no tin bon instruccion na cas, no tin respet ningun caminda.
Awendia ora nos ta papia cu hoben, nos mester un idoma cla, comprendibel y cu respet pa asina nan hanja respet.
Atencion na nos tur hoben.
Locual tin para scirbi den Efesionan 6 :1-2 y Colosensenan 3:20 ta exactamente locual bo tin cu biba, no purba skip for di di dje, y no usa ningun shorcut.
Locual tin para scirbi den 1Pedro 5:8 ta conta pa hobennan tambe, pasobra esey ta e forma di actua di diabel y no lubida locual ta para scirbi den Juan 10:10.
Tur hoben mester di Dios den nan bida.Ningun hende no por sirbi Dios manera nan kier, dia nan kier y ora nan kier.
Bo conducta ta bo pasaporte, ta bo licencia di bida, ta bo yabi pa futuro.
Bo por tin bon tipo y mal karakter, bon studia pero sin respet, sali for di bon famia, pero cu mal comportacion, pesey bo mester wak bon, hopi bon cu ken bo ta cana.( 1 Corintionan 15:33)
Y den tu cos busca Dios, esey ta tur cos.
Sinceramente, Pastor Marcel Balootje
