Promer Minister ta considera 24Ora pa Radio Rochela
Promer Minister di Aruba a bisa cu esnan cu escoge pa traha a la radio rochela, nan mes ta exclui nan mes di prensa y no por reclama mas e ora e derecho di prensa.
Ora bo traha manera radio rochela, bo lo wordo tuma tambe como tal. Bo no ta traha segun etica di periodismo y ta opta pa ta satirico, chistoso, e ora ey bo no por reclama cu bo ta prensa.
Solo di Pueblo ta di mes opinion cu Promer Minister, relaciona cu e dos “periodistanan” cu ta leuw di ta periodista, pero ta mas bien un programa politico di AVP “berde berde dimes”.
Minister Rocco Tjon a bise bon cla: dia bo bira serio, nos ta atendebo. Mientras bo ta infantil, y kier chercha, lastra mama, tata, ruman, pareha, yiu, etc etc, kedabo den bo wega, kedabo den bo falta di respect y como Minister no ta atende nada dibo mientras bo no ta serio.
Sociedad Interamericana de Prensa tambe mester actua transparente y nan tampoco por bay ciegamente tras di e oligarcanan cu ta usa periodismo pa hasi programa politico.
Pesey mes Solo di Pueblo a manda un carta abierta pa cual a mande tambe via e mail pa sociedad, unda ta pidi nan pa no defende malandros coruptos cu a biba riba stif di pais Aruba.
