Diabierna anochi e naranjada nan di Santa Cruz Estrella a enfrenta e orguyonan di Bubali na Stadion Frans Figaroa.
Bubali a bin ta acumulando puntonan sorpresivamente y ultimo a empata cu RCA. Estrella ta bin di un derota preta contra Britannia.
Wega a cuminsa unda Bubali a cuminsa preshona e defensa di Estrella unda cu den e prome minuutnan di wega Bubali ta bay ariba 1-0.
Estrella ta reacciona algun minuut despues cu e hungador Luis Manuel Torres miho conosi como Make , unda cu desde banda robes e ta core bay laga 3 defensa y anota un golaso. Asina wega ta empata 1-1.
Un rato despues Make Torres ta bolbe sorprende cu hugada individual y score e 2-1.
Despues ta e goleador di aña pasa di campeonato Trevor “ Tro” Faro ta drenta na banda drechi den doelgebied kap riba su links y manda un cañonaso den skina y hasi e wega 3-1.
Estrella a sigi ataka y domina e medio campo.
Den un rechaso di e defensa di Estrella, e bala ta bay halto y pasa e portero y cay tras di dje pa bira un autogol y wega ta bira 3-2. Faltando algun minuut pa wega termina di prome tempo Estrella ta bolbe score cu un hugada cu Nailbert Elizabeth ta subi na banda robes , drenta mitar di veld y hasi un pase banda drechi una Trevor Faro tabata su so. Aki unda Trevor ta hasi un pase lastra pa Make Torres cana drenta y pone bala den gol pa e wega bira 4-2.
Den segundo tempo Estrella ta sali mas hambra pa gol y aki Estrella ta score e di 5 gol cu un asistencia di Norwin Werleman pa Trevor no ta perde tempo y pone bala bandi e portero di Bubali y wega ta bira 5-2.
Bubali ta haya un penalty despues y ta hasi wega 5-3.
Aki Estrella ta sigi preciona y ta score 2 gol mas di Norwin Werleman cu ta hasie wega 7-3.
Na minuut 93 Bubali ta score su ultimo gol y wega ta termina 7-4 y Estrella ta piki su 3 puntonan pa jega 6 puntonan te cu awo.
Siguiente wega Estrella lo hunga contra Santa Fe dia 25 november.
Ta spera di wak mas fanatico pa apoya e naranjadanan cu a start nan motor y lo bay bringa tur puntonan cu tin pa drenta den e miho 6 nan.
