Awendia, mundo ta pone un hende den un posicion, sin tene cuenta si su bida , ta agrada Dios, y despues ta bisa cu e cos no a bay bon cu e persona.
Locual hopi hende no sa , cu ora un hende su bida ta agrada Dios , e lo tin exito , pasobra Dios ta para na su banda pa yude.
Un persona cu su bida ta agrada Dios, semper ta humilde y obediente, esey ta locual Dios ta wak den un persona, pasobra tur sobra cos ta e parti carnal, ora e curason ta humilde y obediente, e persona ta disponibel pa por wordo husa door di Dios.
Awor un persona por ta bon studia, sabiduria, conocemento, titulo, rico, pero si e ta biba den inmoralidad y malicia of mihor bisa un bida den pica , contra principio y palabra di Dios, e persona ey no ta agrada Dios cu su bida.
Ora un persona ta murmura contra Dios constantemente, nada no ta bon pe, tur cos e ta keha, tur cos e ta pleita, e ta discrimina, e ta orguyoso, un persona asina su bida no ta agrada Dios.
Den 2 Corintionan 10:1-5 ta para scirbi cu hopi ta esnan cu nan cadaver a keda benta tur caminda den desierto, pasobra nan no tabata agrada Dios, y nos tur sa cu e murmuracion tabata nan actuacion.
Mundo a bira asina malo, cu hende kier cambia tur cos, pa asina logra locual nan kier y no haci locual Dios kier, palabra y principionan di Dios no ta wordo respeta mas.
Den Romanonan 1 :18- 32 Dios a splica bon cla con e hende lo bay contra palabra di Dios , y ta para scirbi cu lo no tin excuus, pa esnan cu ta haci esey pasobra Dios su huicio lo bini contra humanidad.
Hopi hende no ta compronde cu locual tin scirbi den Juan 3:16-21 ta un oportunidad pa nos tur yega na bida eterna, pero esun cu rechasa esey lo no tin bida , ma e furia di Dios lo ta riba dje ( Juan 3:36).
Hombernan den bijbel manera David, Moises, Enoch, Hose, Abraham y Noe, ta reconoci grandemente pa nan humildad, y obedencia.
Pasobra hende ta wak con bon educa un persona ta , cuanto sabiduria e tin, con e por maneha un asunto, pero Dios ta wak e curason, pasobra ora e curason ta cu Dios, y Dios tin e prome lugar den e curason, lo tin diferencia den su conducta, y na su frutanan nos lo conoce e persona.
Dios no ta permiti ningun hende haci bofon di dj’E, tur hende ta responsabel pa locual nan ta haci y tur hende lo tin di duna cuenta na Dios, pa locual nan a haci sea bon of malo.
Ora nos coopera cu maldad e ta haci nos complice, pasobra sabiendo cu algo ta robes, y cu e asunto ta completamente contra boluntad di Dios, y cu ta cos cu Dios ta odia, nos ta purba tapa solo cu un dede, y haci manera nos no sa, y asina yama bon malu, y locual ta malu nos ta yama bon.
Ma huy pa e cosnan aki,homber di Dios, y busca husticia, santidad,fe, amor perserverancia,y mansedumbre. Lucha e bon lucha di Fe,gara e bida eterno,pa cual bo a wordo yama, y bo a duna e bon testimonio den presencia di hopi testigo.( 1 Timoteo 6:11-12).
Ta tempo pa nos instrui hende pa haci bon, pa mantene nos bista riba Cristo Hesus, tur momento.
Sinceramente, Pastor Marcel Balootje
