Den un mensahe emiti diadomingo mainta, Promer Minister di Curacao ta pidi cada un ydk pa yama danki na Aruba, cu lo ricibi 36 persona, 30 pa afdeeling di covid y 6 den ICU.
Aki su mensahe:
Mi ke pidi kada un YDK pa djòin mi i yama danki nan nos hermana isla Aruba!
Aruba a wak nos situashon i inmediatamente a drenta den un maneho di krísis.
Danki na esaki nan a krea lugar pa nos na nan Dr. Horacio E. Oduber Hospital Dor di hasi adaptashon den nan programa di kuido nan por ofresé nos 30 kama riba un afdeling regular i 6 kama riba ICU.
Algun personan ta transladá pa Aruba kaba i ta risibí e trato mediko ku nan mester.
Aruba no a stop einan. Nan tambe a pone restrikshon na orarionan di pakus i otro aktividatnan pa evitá ku nan tambe lo tin hopi persona infektá ku lo mester di kuido intensivo.
Loke Aruba ta hasi pa nos mi kasi no tin palabra pe. E ta un akto asina grandi i e ta hasi un impakto inmenso riba nos komunidat.
Esaki ta mustra atrobe kon ora traha #huntu i ku meta en komun kon leu nos por yega i kombatí e malesa aki.
No one stays behind!
Un danki na Minister Evelyn Wever-Croes, Minister President
Un danki na komersiantenan di Aruba ku a skucha e yamada di Minister i tambe ta duna nan aporte
Un danki na pueblo di Aruba ku tambe ta na kas mas trempan i asina duna di nan parti.
Un danki na Dr. Horacio E. Oduber Hospital ku a adaptá nan programa di kuido pa asina pone nan mes na servisio di nos YDK ku mester e kuido mediko.
Masha danki!
