Resientemente Marisol Tromp, lider di partido MAS, a acusa e gobierno di Aruba di no entrega un keho penal den e caso di Arubahuis, argumentando cu a yega na un areglo di pago enbes di sigui e prosedimento legal.
Sinembargo e afirmacion aki a wordo desmenti pa e Promer Minister Sra. Wever Croes, kende a confirma cu prueba concreto cu un keho penal a wordo entrega den December 2022 na Ministerio Publico.
Un investigacion di Solo di Pueblo a mustra cu e declaracion di Tromp ta carece di base, pasobra a keda confirma cu gobierno a tuma accion na e momento corecto.
E acusacionnan, cu mal intencion pa crea desconfiansa den gobierno, no ta basa riba realidad.
E tipo di tactica aki no ta nobo den politica di Marisol Tromp. Regularmente e ta usa confrontacion y mal informacion pa polarisa e opinion publico. Hopi biaha su accion ta dirigi pa crea controversia, enbes di discuti problemanan real. Nos tur por corda con el’a monta un show contra ex Parlamentario Dammers, acusando e di a dal’e. Ora autoridad a investiga e caso, Marisol a wordo haya ta gaña y hasta mester a paga un boet di afl 400.00 dicta pa Fiscal, den un tom zitting.
Aparentemente e no a siña su les, y keto bay kier hisa su mes, a costo di trece mentira.
Ta hopi importante pa nos politica ta basa riba hecho y no riba persepcionnan incorecto cu ta trata di crea duda den otro a base di mentira.
Ta spera cu Marisol nunca mas ripiti e mentiranan aki riba caso Arubahuis
