Dia 8 di januari tabata un dia importante. Parlamento a prepara pa un fase nobo di sesion, cu ta inclui e conformacion di e sguiente constelacion di Staten. Sinembargo prome cu yega n’e puntoaki, pueblo mester a acudi n’e urnanan electoral pa scoge nan representantenan p’e proximo cuater añanan di gobernacion.
P’esaki ta posibel, e partidonan mester efectua nan respectivo campañanan politico, buscando pa convence pueblo cu nan t’esunnan mas apto pa goberna. Ta fundamental cu e campañanan aki ta transparente, cumpliendo cu ley y cu e partidonan informa riba e fondonan ricibi manera donacion y e gastonan realisa.
Di acuerdo cu Prome Minister y lider ei MEP, Evelyn Wever-Croes, kende a drenta parlamento, mester tuma na serio e violacionnan di ley di parti di e partidonan. ” “Bo no por burla di ley di e forma eynan. Partido AVP ta custuma di burla di ley. Pero di e forma aki? Awo cu e ley a cambia e no ta bon y tin consecuencia serio ora cu haci declaracion falso, e consecuencianan tin cu bin ainda”, Wever-Croes a afirma.
Tambe el a splica cu ley ta establece e creacion di un comision financiero dentro di e Conseho Electoral cu ta encarga pa investiga e declaracion di e partidonan. Si discubri iregularidad, por impone multa. Fuera di esey, e declaracionnan falso tambe por caba den sancion penal.
Aunke Parlamento no por actua inmediatamente riba e tema aki, Wever-Croes a destaca cu, cu e autoridad cu e tin, lo sigui pone presion te ora cu investiga e mentira y e falsedadnan di e miembronan di partido AVP.
