Dialuna mainta Prome Minister di Aruba a elabora riba salario di directornan di NV di Gobierno na Aruba, cual ta un topico masha comenta den e ultimo simannan. Entodo caso por bisa cu e situacion na Aruba no ta mescos cu e situacion na Corsou. Proximamente lo bay conversa cu tur e directornan aki, unda nan salario lo mester wordo reduci na Wever Croes Norm, cual ta 130% di salario di un Prome Minister.
Minister President a referi na un caso spesficio, unda un politico activo di AVP, miembro di parlamento, Sr. Richard Arends, estando como consehero di Gobierno, a fix su mes un contract barbaro.
Wever Croes a bisa: “Algun salarionan , algun directornan, ta contene sumanan exhorbitantemente halto, mi ta referi specialmente na algun director nombra pa AVP. Esun mas recien ta e contract di Ricahrd Arends, tempo cu e tabata consehero di AVP, a wordo nombra como director, cu un salario astronomico, mas halto cu minister y cu si un dia bo kier kite, mester page 2.6 miyon florin.
Prome Minister a bisa, cu ora e contract di Arends a lek den prensa, Richard Arends mes a tuma su retiro volunatrio.
