Nan no kier a baha
Ta prueba cu ningun kier a entrega e stoel
Segun e ex bestuur di Lotto pa Deporte, cu nan a laga Lotto bon formalisa y riba bon pia. E hechosnan ta bisa otro!
E ex bestuur di Lotto no a cumpli cu statuut y esey ta prueba palpabel cu nunca nan tabatin intencion di baha for di nan stoel, sino, tabata keto keto ta wak e desaroyo politico y kisas tabata anhela pa Avp drenta Gobierno, pa nan keda.
Dicon?
Pasobra te hasta nan a incumpli cu nan propio statuut. Statuut di Lotto ta bisa cu e miembronan di bestuur mester traha un “aftreedrooster”, o sea, un agenda pa nan retira, y pa envita pa nan retira en blok.
Ki dia nan a cumpli cu statuut? Nunca! Esey ta bisa bon cla cu nunca ningun di nan kier a baha for di e stoel. Nan no a traha un plan pa retira segun fecha, unda poco poco un ta bay, y ta drenta un nobo pa asina por custumbra cu e tareanan.
Hasta den esey nan a incumpli y faya cu statuut. Ta hilarico con te despues cu nan a retira, keto bay nan kier usa maquinaria di mercadeo di Lotto pa promove nan mes y pa haci propaganda pa nan mes cu nan a traha bon.
Nan actonan ta parce di poco “threes touches”, cu nan unico obhetivo tabata ranca placa hinca den nan saco y como tambe enriquece Canada.
