Diasabra anochi e noticia a drenta cu e conocido Teo Croes, ex director di Arubus, a fayece. Esaki sigur tabata un noticia cu a sorprende hopi hende. Te na ultimo na November y December no a tende cu Teo lo tabata malo. Maske el’a bataya cu su malesa te na final. Teo den pasado a traha hopi tempo na aeropuerto y tabata atende varios aeroliña. Tambe el’a dedica na su negoshinan, manera un tempo tabatin tin fabrica di bentana di aluminio. Den ultimo añanan Teo a dedica na su Iglesia y tabata hasta pastoor di su iglesia. Actualmente Teo ta trahando pa e compania di Car Quest Auto Parts, cu recien a habri na Piedra Plat. Solo di Pueblo ta extende palabra di condolencia na su señora, yiunan, y tambe na su ruman homber Pierre Croes. Forsa den e dianan nos dilanti.
