Ex minister di Husticia mr. Andin Bikker a haci un bishita na Brandweer pa asina admira e truck nobo cu a yega, cual a wordo bestel den su tempo.
Ex minister Bikker a bisa:
“Ma pasa saluda un rato na Post di Brandweer na Tanki Flip pa admira e Tankwagen cu a wordo besteld aña pasa y cu awo a yega, ma compronde cu ta despues di mas cu 25 aña cu Departmento di Brandweer a haya uno nobo. Un pabien na Gobierno di Aruba, Ministro di Husticia actual sr. Rocco Tjon, Departamento di Brandweer, e Management Team, y Sindicato SINBA, cu nan voorzitter sr. Davni Roza, cu e yegada di e Tankwagen super moderno aki. Hopi gradici pa e sosten ricibi di ex-colega ministers di Gabinete Wever Croes I y for di mayoria fraccion den Parlamento destijds na juli 2021, pa por a bay over na ordo e Tankwagen super moderno aki pa e Departmento, cual vehiculo pues tabata haci falta pa hopi aña. God bless Aruba.”
