E conocida y popular Ex parlamentaria di AVP, Clarisca Velasquez and the gang, un biaha mas ta haci noticia y ta logra yega “front page”! E biaha aki ta na un hotel riba high rise.
Segun SOLO por bin compronde for di nos fuentenan di noticia, aparentemente Clarisca y su gang a tuma vakantie recientemente y asina a bay keda par di dia un hotel “beach resort”. No por exclui cu e tipo di vakantie asina ta bay acompaña mano a mano cu happy hours.
Den pleno dianan di vakantie y goso, algo a bay robes den kamber, unda posiblemente a cuminza un pelea formal. Esaki a bay over na destruccion di varios mueblesnan di e hotel.
Testigo na sitio a conta SOLO den forma anonimo, cu “front desk” tabata haya hopi yamada pa dicho kamber, ya cu tabatin bochincha di otro mundo y tambe varios otro sonido “raro”. E fuente no a describi kico lo tabata sonido “raro”.
Na algun ocacion a yama atencion di e grupo, pero parce cu no tabatin oido. Te ora cu esaki a desenboca den un bringamento, unda aparentemente hasta vaas cu flor tabata bula den e kamber.
Algo a bay teriblemente robes. Un daño grandi a keda causa na e mueblesnan di e hotel y tur esaki cu un suma halto na daño.
Mirando e susedido, no a keda e hotel nada otro cu desaloha e kamber, saca tur hende afo, pidi tur hende pa paketa na maleta y escoltanan pa pafor di hotel. Asina tambe vakantie a termina, para den solo cu maleta na man y busca rumbo pa cas. Manera tin un dicho ta bisa: Calabasa, Calabasa, todo el mundo pa su casa!… y awor mester bay paga e daño tambe!
Ora cu nos haya mas informacion, nos lo sigui informa.
